મની લોન્ડરિંગ કેસને કારણે બોલિવૂડના બે ટોચના દિવાઝ વચ્ચે યુદ્ધ શરૂ થઈ ગયું છે. નોરા ફતેહી અને જેકલીન ફર્નાન્ડિસ સામસામે છે. નોરાએ જેકલીન સામે કાર્યવાહી કરી છે. નોરાએ જેકલીન વિરૂદ્ધ માનહાનિનો કેસ કર્યો હતો અને તેના પર અનેક આરોપો લગાવ્યા હતા. હવે આ મામલામાં જેકલીન તરફથી તેના વકીલનું નિવેદન પણ સામે આવ્યું છે.
જેકલીનના વકીલે નોરાને આપ્યો જવાબ
સુકેશ ચંદ્રશેખરને સંડોવતા 200 કરોડની છેતરપિંડીના કેસમાં જેકલીન ફર્નાન્ડિસ અને નોરા ફતેહીની લાંબા સમયથી પૂછપરછ કરવામાં આવી રહી છે. છેતરપિંડીના કેસમાં લાગેલા આરોપોથી કંટાળીને નોરા ફતેહીએ હવે જેકલીન સામે માનહાનિનો કેસ દાખલ કર્યો છે. નોરાનું કહેવું છે કે જેકલીન અને મીડિયા ટ્રાયલને કારણે તેની ઈમેજને નુકસાન થયું છે.
જેકલીન ફર્નાન્ડિસના વકીલે હવે નોરાના આરોપો પર પ્રતિક્રિયા આપી છે. જેકલીનના વકીલ પ્રશાંત પાટીલે અભિનેત્રીની સ્પષ્ટતામાં કહ્યું હતું કે તેની અસીલ જેક્લીને ક્યારેય નોરા ફતેહી વિરુદ્ધ કંઈ કહ્યું નથી. આ કેટલીક ખોટી વાતચીત છે. જેકલીને જે પણ નિવેદન આપ્યું હતું, તેણે ન્યાયિક અધિકારીઓની સામે કાર્યવાહીમાં આપ્યું હતું.
જેકલીનના વકીલે નોરાને ચેતવણી આપી
જેકલીનના વકીલે નોરાના આરોપોને નકારી કાઢ્યા છે. સાથે જ તેણે નોરાને ચેતવણી પણ આપી છે. જેકલીનના વકીલે કહ્યું- નોરા ફતેહીએ કોઈ કાર્યવાહી કરતા પહેલા જ કેસની કોપી લીક કરી દીધી છે, તેથી જૈકલીન હવે જરૂર પડ્યે કાયદાકીય રીતે નોરા ફતેહી સામે માનહાનિનો કેસ કરી શકે છે. આ બધું જોઈને લાગે છે કે મની લોન્ડરિંગ કેસમાં નોરા અને જેકલીન વચ્ચેની લડાઈ લાંબો સમય ચાલી શકે છે.
નોરાએ જેકલીન પર શું આરોપ લગાવ્યા?
નોરાએ જેકલીન ફર્નાન્ડિસ સામે માનહાનિનો કેસ દાખલ કર્યો છે અને આરોપ લગાવ્યો છે કે 200 કરોડના મની લોન્ડરિંગ કેસમાં તેના નામનો બળજબરીથી ઉપયોગ કરવામાં આવ્યો હતો. નોરાએ દાવો કર્યો છે કે તેને સુકેશ સાથે કોઈ લેવાદેવા નથી. તે સુકેશને તેની પત્ની લીના મારિયા પોલ દ્વારા ઓળખતી હતી. નોરાએ કહ્યું છે કે સુકેશ પાસેથી કોઈપણ પ્રકારની મોંઘી ગિફ્ટ લેવાની વાત સંપૂર્ણપણે ખોટી છે. હવે જોઈએ કે મની લોન્ડરિંગ કેસમાં નોરા અને જેકલીન વચ્ચેની તણખાનું શું પરિણામ આવે છે.
આ પણ વાંચો:સાધુના ગેટઅપમાં અનુપમ ખેરનો વીડિયો થયો વાયરલ, તમે સાંભળ્યો તેમનો આ મેસેજ
આ પણ વાંચો:આલિયાથી લઈને સોનમ સુધીની આ અભિનેત્રીઓએ આ વર્ષે આપી GOOD NEWS, ઘરમાં ગુંજી કિલકારીઓ
આ પણ વાંચો:દારૂ વેચશે શાહરૂખ ખાનનો પુત્ર આર્યન? ભારતમાં પ્રીમિયમ વોડકા બ્રાન્ડ લોન્ચ કરવાની તૈયારી!
