હિલ્સા વિધાનસભા મત વિસ્તારએ બેઠક હતી જેના માટે બિહાર વિધાનસભા ચૂંટણીના પરિણામોમાં મહત્તમ ચર્ચા કરવામાં આવી હતી. હિલ્સા વિધાનસભા બેઠક પર જીતનો તફાવત માત્ર 12 મતોનો હતો અને આ બેઠક પર જેડીયુના ઉમેદવાર જીત્યા હતા. આ પછી, તેજસ્વી યાદવે સવાલ ઉઠાવ્યા હતા અને હિલ્સા સહિતની અનેક બેઠકો પર ટપાલ મતદાનમાં ધાંધલીનો આરોપ લગાવતા પુન: ગણતરીની માંગ કરી હતી. જો કે, હવે બિહારના મુખ્ય ચૂંટણી અધિકારી (સીઈઓ) એચઆર શ્રીનિવાસનું નિવેદન આવ્યું છે અને તેમણે કહ્યું કે હિલ્સા વિધાનસભા મત વિસ્તારનું ચૂંટણી પરિણામ ચૂંટણી પંચે ઉલ્લેખ કરેલી પ્રક્રિયા પ્રમાણે જાહેર કરાયું છે. હિલ્સા બેઠક પર 12 મતોનો જીતનો ગાળો હતો. ચૂંટણી પંચે તેજસ્વીના ધાંધલીનાં દાવાને ફગાવી દીધો છે અને એક રીતે જેડીયુની હિલ્સા બેઠક ઉપર વિજયને ક્લિનચીટ આપી છે.
વિવાદ / ઓબામાનાં પુસ્તક ‘અ પ્રોમિસન્ડ લેન્ડ’નાં રાહુલ ગાધી સંદર્ભથી વિવાદ, #માફી_માંગ_ઓબામા નો ટ્વીટર ટ્રેન્ડ થયો શરુ.
મીડિયા સાથે વાત કરતાં શ્રીનિવાસે કહ્યું કે, બિહાર વિધાનસભાની કુલ 243 બેઠકોમાંથી 11 વિધાનસભા મતદારક્ષેત્રો એવા છે, જ્યાં વિજયનું અંતર 1000 મતોથી ઓછું હતું. તેમણે કહ્યું કે 11 વિધાનસભા ક્ષેત્રમાંથી જેડીયુએ 04, આરજેડી 03, ભાજપ, એલજેપી, સીપીઆઈ અને અપક્ષોએ એક-એક બેઠક જીતી લીધી છે. સીઈઓએ જણાવ્યું હતું કે આ 11 વિધાનસભા બેઠકોમાંથી ઉમેદવારો અથવા ચૂંટણી એજન્ટોએ 6 મતવિસ્તારોમાં ફરી “મતગણતરી” કરવાની માંગ કરી હતી.
તેમણે કહ્યું હતું કે ફરજ પર અધિકારીઓએ ‘તર્કસંગત હુકમ’ પસાર કર્યો હતો, જેમાં પાંચ બેઠકો જીતવાની સુધારણા અરજીને નકારી હતી. નાલંદા જિલ્લાના હિલ્સા મત વિસ્તારમાં મત ગણતરીની અરજીને નકારી કાઢવામાં આવેલા પોસ્ટલ બેલેટ (182) ની સરખામણીએ જીતનો ગાળો (12 મતો) ઓછો હોવાથી ફરીથી ગણતરીની અરજી સ્વીકારવામાં આવી હતી. હિલ્સામાં જેડીયુના ઉમેદવાર માત્ર 12 મતોથી જીત્યા હતા, જ્યારે ‘નકારી કાઢવામાં આવેલા પોસ્ટલ બેલેટ’ની સંખ્યા 182 હતી જ્યારે રામગઢ, મટિહની, ભોર, દેહરી અને પરબત્તા – પાંચ મતવિસ્તારમાં’ જીતનું અંતર માટે ‘પોસ્ટલ બેલેટ’ ફરી ગણતરી માટે નામંજૂર થયું હતું.
Bollywood / અર્જુન રામપાલ પહોંચ્યો NCB ઓફિસ, ડ્રગ કેસ અંગે કરવામાં આવશે …
શ્રીનિવાસે કહ્યું કે 18 મી મે, 2019 ના રોજ ઇસીઆઈ દ્વારા જારી કરવામાં આવેલી નવી સૂચના મુજબ હિલ્સાના કિસ્સામાં કરવામાં આવ્યું હતું. તેમણે જણાવ્યું હતું કે, રીટર્નિંગ ઓફિસરએ હિલ્સામાં આખા પોસ્ટલ બેલેટની ફરી ગણતરી કરી હતી અને આ સંદર્ભે એક તર્કસંગત આદેશ આપ્યો હતો. એક પ્રશ્નના જવાબમાં સીઇઓએ જણાવ્યું હતું કે તેમની કચેરી સંબંધિત પક્ષ / પક્ષોને દસ્તાવેજો અને વિડીયોગ્રાફી ની નકલ ઉપલબ્ધ કરાવશે.
શ્રીનિવાસે એ પણ સ્પષ્ટતા કરી હતી કે મતગણતરી કેન્દ્રની અંદર કોણ મોબાઇલ ફોન લઇ શકે છે તે ચૂંટણી પંચના માર્ગદર્શિકાઓમાં સ્પષ્ટપણે જણાવાયું છે. તેમણે કહ્યું કે, ઈવીએમમાંથી મત ગણતરી પોસ્ટલ બેલેટની ગણતરીના 30 મિનિટ પછી શરૂ થાય છે અને તે પછી જુદા જુદા હોલમાં એક સાથે મતની ગણતરી ચાલે છે, જેની વીડિયોગ્રાફી પણ છે.
school: શિક્ષણમંત્રી ભુપેન્દ્રસિંહ ચુડાસમાએ શાળા ખોલવા અંગે કરી સ્પષ્ટતા…
હકીકતમાં, વિપક્ષી મહાગઠબંધનના નેતા તેજસ્વીએ મોટી સંખ્યામાં પોસ્ટલ બેલેટ રદ કરાયા હોવાનો આરોપ લગાવીને પુન: ગણતરીની માંગ કરી હતી. આરજેડી નેતાએ એવો પણ આરોપ લગાવ્યો હતો કે પોસ્ટલ બેલેટની ગણતરી કેટલીક બેઠકો પર પાછળથી કરવામાં આવી હતી, જ્યારે કે તે ગણતરીમાં પ્રથમ લેવામાં આવે છે. આ અગાઉ સીઇઓ રાજભવન ગયા હતા અને બિહાર વિધાનસભાના નવા ચૂંટાયેલા તમામ 243 સભ્યોની સૂચિ આજે રાજ્યપાલ ફાગુ ચૌહાણને આપી હતી.
