જિલ્લામાં જમીન પચાવી પાડવાના કિસ્સાઓ ક્યારેક બનતા જોવા મળી રહ્યા છે . ત્યારે સરકારે અમલમાં મુકેલા લેન્ડગ્રેબિંગ એક્ટ અંતર્ગત જિલ્લા કલેક્ટર આવા તત્વો સામે કોઈ કસર છોડી રહ્યા નથી. જે અંગે ગઈકાલે જ લેન્ડ ગ્રેબિંગ એક્ટની બેઠક મળી હતી. આ બેઠકમાં 58 અરજીઓ ધ્યાનમાં લેવામાં આવી હતી. જેમાંથી 8 અરજીઓમાં લેન્ડ ગ્રેબિંગ એક્ટ દાખલ કરવાના આદેશો છોડવામાં આવ્યા છે.
જેમાં બાકીની 13 અરજીઓને પેન્ડિંગ રાખવામાં આવી હતી. ત્યારે આ બેઠકમાં 8 અરજીઓને માન્ય રાખીને પોલીસ વિભાગને તે અરજીઓમાં દર્શાવાયેલ આરોપીઓ સામે લેન્ડગ્રેબિંગ એક્ટ હેઠળ કાર્યવાહી કરવાના આદેશો આપવામાં આવ્યા હતા. જે હેઠળ કોઠારીયા રોડ ઉપરના સર્વે નં. 352ના પ્રકરણમાં તો આજીડેમ પોલીસે આજે જ આરોપીઓ સામે લેન્ડ ગ્રેબિંગ એક્ટ હેઠળ ગુનો દાખલ કરી કાર્યવાહી શરૂ કરી દીધી છે. જ્યારે બીજા કેસોમાં એકાદ બે દિવસમાં લેન્ડ ગ્રેબિંગ હેઠળ ગુના દાખલ કરી કાર્યવાહી હાથ ધરાશે તેવું જાણવા મળી રહ્યું છે.