એક તરફ પાકિસ્તાનમાં ગરીબ લોકો ખાવા-પીવા માટે તરસી રહ્યા છે. બીજી તરફ ડ્રગ્સ યુવાનોના જીવનમાં ઝેર ભેળવી રહ્યું છે. શાળામાં અભ્યાસ કરતા વિદ્યાર્થીઓ પણ નશાના વ્યસની બની ગયા છે. તેઓ તેના માટે મારામારી કરી રહ્યા છે. તાજેતરમાં લાહોરની ટોચની ખાનગી શાળામાં ચાર છોકરીઓએ એક છોકરીને માર માર્યો હતો. પોલીસે તપાસ કરતાં મામલો ડ્રગ્સનો હોવાનું બહાર આવ્યું હતું. દારૂના નશામાં ચારેય છોકરીઓએ એક છોકરીને માર માર્યો હતો. મારપીટનો વીડિયો વાયરલ થયો હતો. આ કેસમાં પીડિત છોકરીના પિતાની ફરિયાદના આધારે પોલીસે કેસ નોંધીને તપાસ કરી.
છોકરીઓની લડાઈનો વીડિયો થયો હતો વાયરલ
આ મામલો પાકિસ્તાનના પંજાબ પ્રાંતના લાહોરનો છે. લાહોરના ડિફેન્સ હાઉસિંગ ઓથોરિટી સ્થિત અમેરિકન ઇન્ટરનેશનલ સ્કૂલમાં આ ઘટના 16 જાન્યુઆરીએ બની હતી. છોકરીને માર મારવાનો વીડિયો સોશિયલ મીડિયા પર વાયરલ થયો હતો. વીડિયોમાં જોવા મળ્યું હતું કે ચાર છોકરીઓઓએ એક છોકરીને જમીન પર પછાડી દીધી છે અને તેના વાળ પકડીને તેને મારવામાં આવી રહી છે. માર મારનાર છોકરીઓ પીડિત છોકરી સાથે દુર્વ્યવહાર કરે છે અને તેને સોરી કહેવા કહે છે.
પીડિત છોકરીએ આરોપીનો ડ્રગ્સ લેતા બનાવ્યો હતો વીડિયો
પીડિતાના પિતા ઈમરાન યુનિસે ફરિયાદ નોંધાવ્યા બાદ પોલીસે ચારેય છોકરીઓ વિરુદ્ધ કેસ નોંધ્યો હતો. FIR મુજબ પીડિતાએ સ્કૂલ કેમ્પસમાં ડ્રગ્સ લેતી ચાર છોકરીઓનો વીડિયો બનાવ્યો હતો. જેનાથી ગુસ્સે થઈને આરોપી વિદ્યાર્થીનીઓએ પીડિત છોકરીને માર માર્યો હતો. પીડિત છોકરીના પિતાએ આપેલી માહિતી મુજબ આરોપીઓમાંથી એક બોક્સર છે. તેણે પીડિત છોકરીના મોઢા પર માર માર્યો હતો. અન્ય છોકરીઓએ પણ પીડિત છોકરીને લાત મારી હતી. એક છોકરીએ પીડિતાનું ગળું દબાવવાનો પ્રયાસ પણ કર્યો હતો. મારના કારણે છોકરીના ચહેરા પર ઉંડી ઈજા થઈ હતી.
લાહોરમાં ઝડપથી વધી રહ્યો છે ડ્રગ્સનો ઉપયોગ
વીડિયો સામે આવ્યા બાદ કેપિટલ સિટી પોલીસ લાહોર અને પંજાબ પોલીસે કહ્યું હતું કે કેસ નોંધવામાં આવ્યો છે. ઘટનાની તપાસ શરૂ કરવામાં આવી છે. આપને જણાવી દઈએ કે લાહોરની શાળાઓ અને કોલેજોમાં ડ્રગ્સનો ઉપયોગ વધી રહ્યો છે. ડ્રગ કંટ્રોલ પ્રોગ્રામ પરના મુખ્ય પ્રધાનના સલાહકાર ઝુલ્ફીકાર શાહે ધ્યાન દોર્યું છે કે લાહોરમાં ખાનગી મેળાવડા અને શૈક્ષણિક સંસ્થાઓમાં ડ્રગ્સનો ઉપયોગ ચિંતાજનક રીતે વધ્યો છે. ગયા વર્ષે, લાહોર પોલીસે 9,000 થી વધુ ડ્રગ ડીલરો અને ડ્રગ પેડલર સામે કેસ નોંધ્યા હતા. 4,590 કિલો ચરસ, 60 કિલો હેરોઈન અને 20 કિલો ice મળી આવ્યો હતો.
આ પણ વાંચો:મોસ્કોથી ગોવા આવી રહેલી ફ્લાઈટમાં બોમ્બની ધમકી, જાણો ક્યાં કરાયું ઈમરજન્સી લેન્ડિંગ
આ પણ વાંચો: મોસ્કોમાં ઉંચી ઈમારતો પર મિસાઈલ લોન્ચર અને સંરક્ષણ પ્રણાલી તૈનાત
આ પણ વાંચો:શેરબજારમાં રોકાણકારોને ટૂંક સમયમાં પૈસા મળશે, જાણો આ મહત્વપૂર્ણ ફેરફાર
