પાકિસ્તાની સાંસદ 49 વર્ષીય ડો. આમિર લિયાકત હુસૈન આ સમયે મીડિયામાં છવાયેલા છે. પાકિસ્તાનના વડાપ્રધાન ઈમરાન ખાનના નજીકના ગણાતા આ સાંસદે તેમની બીજી પત્નીને છૂટાછેડા આપીને 24 કલાકની અંદર ત્રીજા લગ્ન કરી લીધા. લિયાકત હુસૈને બુધવારે પંજાબના લોધરનના એક પ્રતિષ્ઠિત પરિવારની 18 વર્ષની સૈયદા દાનિયા સાથે લગ્ન કર્યા હતા. ડો.લિયાકતે તેમની પહેલી પત્નીને ફોન પર છૂટાછેડા આપી દીધા હતા.
આ પણ વાંચો :શું આગામી 9 દિવસમાં યુક્રેન પર રશિયન હુમલો થઈ શકે છે? અમેરિકી વિદેશ મંત્રીએ કહી આ વાત
લગ્નની તસવીર ખુદ સોશિયલ મીડિયા પર કરી શેર
ડો.લિયાકતે પોતાના ત્રીજા લગ્નની તસવીર પોતે સોશિયલ મીડિયા પર શેર કરી છે. લિયાકત પોતાના બીજા લગ્નને ખરાબ સમય માને છે. લિયાકતે લખ્યું- ગઈકાલે રાત્રે 18 વર્ષની સૈયદા દાનિયા શાહ સાથે લગ્ન કર્યા. તે દક્ષિણ પંજાબના લોધરાનના આદરણીય નજીબ ઉત તરૈન “સાદત” પરિવારથી છે. હું મારા તમામ શુભેચ્છકોને વિનંતી કરવા માંગુ છું, કૃપા કરીને અમારા માટે પ્રાર્થના કરો, મેં હમણાં જ અંધારી ટનલ પાર કરી છે, તે એક ખોટો વળાંક હતો.
ડો. લિયાકત એક ટેલિવિઝન હોસ્ટ પણ છે
ડો. લિયાકત સાંસદની સાથે પાકિસ્તાનમાં લોકપ્રિય ટીવી હોસ્ટ પણ છે. ડો. લિયાકતની બીજી પત્ની સૈયદ તુબા હતી. તે એક અભિનેત્રી છે. જોકે, વિવાદના કારણે બંને દોઢ વર્ષથી અલગ રહેતા હતા. ટૂબાએ તેના ઇન્સ્ટાગ્રામ દ્વારા છૂટાછેડા વિશે જણાવ્યું હતું. ટૂબાએ સ્વીકાર્યું કે તેમની વચ્ચે સમાધાનની તમામ આશાઓ ખોવાઈ ગઈ છે. તેથી, કોર્ટમાંથી, તેણે ખુલા એટલે કે છૂટાછેડાનો માર્ગ પસંદ કર્યો. ડો. લિયાકતની પહેલી પત્ની સઈદ બુસરા ઈકબાલ હતી. ડો. લિયાકતે તેમને ફોન પર ટ્રિપલ તલાક આપ્યા હતા. ડો. લિયાકતના આ નિર્ણયથી બુસરા ખુશ નહોતી. તેને ઊંડો આઘાત લાગ્યો.
ઈમરાને પાઠવ્યા અભિનંદન, તો થઈ ઘણાની ટીકા
પાકિસ્તાનમાં ડોક્ટર લિયાકતના ત્રીજા લગ્નને લઈને જોરદાર ચર્ચા ચાલી રહી છે. સોશિયલ મીડિયા પર તેમના લગ્નની તસવીર સામે આવતા જ લોકોની પ્રતિક્રિયા આવી. ઘણા લોકોએ તેમની ટીકા કરી છે. લોકોએ નારાજગી વ્યક્ત કરતા કહ્યું કે લિયાકત હવે તેમના હનીમૂનનો વીડિયો સોશિયલ મીડિયા પર પણ પોસ્ટ કરે. બીજી તરફ વડાપ્રધાન ઈમરાન ખાને ડો.લિયાકતને ફોન કરીને લગ્નની શુભેચ્છા પાઠવી છે.
આ પણ વાંચો :બ્રિટનમાં ભારતીય મૂળના અનિલ બાસુને પોલીસ કમિશનર પદ મળી શકે છે! જાણો વિગત
આ પણ વાંચો :જ્યારે વિમાન આકાશમાં પહોંચ્યું ત્યારે અચાનક દેખાયો સાપ, જાણો પછી શું થયું…
આ પણ વાંચો :જર્મનીમાં મસ્જિદમાં તોડફોડ, દરવાજા પર બનાવ્યું સ્વસ્તિક ચિન્હ
આ પણ વાંચો : દરિયાઈ સંસાધનો એ ભારતની ઈન્ડો-પેસિફિક પહેલનો મુખ્ય આધારસ્તંભ છેઃપીએમ નરેન્દ્ર મોદી
