વૈશ્વિક નેતાઓની લેટેસ્ટ એપ્રુવલ રેટિંગ લિસ્ટમાં ફરી એકવાર pm મોદી ટોપ પર છે, આ વખતે તેને 76% એપ્રુવલ રેટિંગ મળ્યું છે. મોદી પછી સ્વિત્ઝર્લેન્ડના રાષ્ટ્રપતિ એલેન બેર્સેટ 64% એપ્રુવલ રેટિંગ સાથે બીજા ક્રમે અને મેક્સિકોના રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોર ત્રીજા સ્થાને છે.
ઑસ્ટ્રેલિયાના વડા પ્રધાન એન્થોની અલ્બેનિસ 48%ના મંજૂરી રેટિંગ સાથે પાંચમા સ્થાને છે અને ઇટાલીના પીએમ જી મેલોની 42% રેટિંગ સાથે છઠ્ઠા સ્થાને છે. યુએસ પ્રમુખ જો બિડેન 40% મંજૂરી રેટિંગ સાથે સાતમા સ્થાને છે. તે જ સમયે, બ્રિટિશ વડા પ્રધાન ઋષિ સુનક 27% રેટિંગ સાથે 15માં સ્થાને છે.અગાઉ જૂન 2023 માં, વૈશ્વિક નેતાઓની મંજૂરી રેટિંગ સૂચિ બહાર પાડવામાં આવી હતી. તેમાં પણ પીએમ મોદી ટોપ પર હતા, પરંતુ અગાઉની યાદીની સરખામણીએ તેમની રેટિંગમાં 2%નો ઘટાડો થયો છે. છેલ્લી વખતે તેને 78% એપ્રુવલ રેટિંગ મળ્યું હતું. અમેરિકી રાષ્ટ્રપતિ જો બિડેન સાતમા સ્થાને હતા. જ્યારે બ્રિટનના વડાપ્રધાન ઋષિ સુનક 12મા સ્થાને હતા.
ડિસિઝન ઇન્ટેલિજન્સ કંપની મોર્નિંગ કન્સલ્ટે 14 સપ્ટેમ્બરે ‘ગ્લોબલ લીડર એપ્રુવલ રેટિંગ ટ્રેકર’ બહાર પાડ્યું છે. આ મંજૂરી રેટિંગ 6 થી 12 સપ્ટેમ્બર વચ્ચે એકત્રિત કરવામાં આવેલા ડેટાના આધારે આપવામાં આવી છે. જેમાં અનેક દેશોના લોકો સાથે વાત કરીને વૈશ્વિક નેતાઓ વિશે તેમના અભિપ્રાય જાણવા મળ્યા હતા. આ યાદીમાં 22 દેશોના નેતાઓનો સમાવેશ કરવામાં આવ્યો છે, જેમાંથી મોટાભાગના G20ના સભ્યો છે.
વડાપ્રધાન નરેન્દ્ર મોદી ફેબ્રુઆરી 2023 માં સતત ત્રીજા વર્ષે વિશ્વના સૌથી લોકપ્રિય નેતા તરીકે ચૂંટાયા હતા. અમેરિકન ડેટા ઇન્ટેલિજન્સ ફર્મ ‘ધ મોર્નિંગ કન્સલ્ટ’ના સર્વે અનુસાર વડાપ્રધાન નરેન્દ્ર મોદીએ એપ્રુવલ રેટિંગમાં અમેરિકી રાષ્ટ્રપતિ જો બિડેન અને બ્રિટિશ પીએમ ઋષિ સુનક સહિત વિશ્વના 22 દેશોના નેતાઓને પાછળ છોડી દીધા છે.
