રાષ્ટ્રીય જનતા દળના અધ્યક્ષ અને બિહારના પૂર્વ મુખ્યમંત્રી લાલુ પ્રસાદ યાદવ અને રાબડી દેવીએ આજે દેવઘરમાં બાબા બૈદ્યનાથ મંદિરમાં પૂજા અર્ચના કરી હતી. પૂજા કર્યા બાદ બાબા બૈદ્યનાથ મંદિરથી નીકળ્યા બાદ લાલુ પ્રસાદ યાદવે કહ્યું કે તેમણે બાબાના દરબારમાં માથું નમાવ્યું હતું અને દેશ અને દુનિયામાં દરેક વ્યક્તિ માટે પ્રાર્થના કરી હતી કે તમામ વ્યક્તિનું ભલુ થાય.
દુલ્હો તો I.N.D.I.A ગઠબંધનમાંથી જ બનશે: લાલુ પ્રસાદ યાદવ
બાબા બૈદ્યનાથના દર્શન કર્યા બાદ લાલુ પ્રસાદ યાદવે કહ્યું, કે અમે પાછા જઈશું અને ‘I.N.D.I.A’ ગઠબંધન પર કામ શરૂ કરીશું અને ઉમેદવારો પસંદ કરવાનું કામ શરૂ કરવામાં આવશે. તેની બેઠક દિલ્હીમાં છે જેમાં નાયબ મુખ્યમંત્રી તેજસ્વી યાદવ જશે. અમે બિહારના મુખ્ય વિસ્તારોનો પ્રવાસ કરીશું.
જ્યારે પત્રકારો દ્વારા પૂછવામાં આવ્યું કે ‘I.N.D.I.A’ ગઠબંધનનો દુલ્હો કોણ હશે, તો તેમણે કહ્યું કે દુલ્હા તેમની વચ્ચે પસંદ કરવામાં આવશે અને તેમાંથી એક દુલ્હો હશે. તેમણે કહ્યું કે સર્વસંમત મત બાદ એક વ્યક્તિને વડાપ્રધાન પદના ઉમેદવાર બનાવવામાં આવશે. તેમણે વધુમાં કહ્યું કે ‘I.N.D.I.A’ ગઠબંધન થઈ ગયું છે, આ અંગે સતત બેઠકો ચાલી રહી છે અને ટૂંક સમયમાં સીટ વહેંચણી અંગે પણ નિર્ણય લેવામાં આવશે.
PM મોદીએ G20ના નામે દેશના પૈસા વેડફ્યા
આ સાથે જ લાલુ પ્રસાદ યાદવે દિલ્હીમાં આયોજિત G20 સમિટ પર નિશાન સાધતા કહ્યું કે, G20થી શું ફાયદો થયો? લોકોને આમંત્રણ આપીને આટલો ખર્ચ કરીને દેશના સામાન્ય લોકોને શું ફાયદો થશે? મોદી સરકારે G20ના નામે દેશના પૈસા વેડફ્યા છે. તેઓએ આનો જવાબ આપવો પડશે.
દેવઘરમાં પાર્ટીના નેતાઓ સાથે બેઠક યોજી હતી
બાબા બૈદ્યનાથના દર્શન કરવા આવેલા આરજેડી પ્રમુખે રવિવારે દેવઘર પરિષદમાં રાજ્યના સંગઠન પ્રભારીઓ અને તમામ 24 જિલ્લાના પ્રમુખોને મળ્યા હતા. લાલુ યાદવ જ્યારે બિહારના મુખ્યમંત્રી હતા ત્યારે ઝારખંડ બિહારનો ભાગ હતું. આ કારણોસર તેમની પાર્ટી આરજેડીની પણ ઝારખંડની રાજનીતિમાં હસ્તક્ષેપ છે. સાથે સોરેન સરકારમાં આરજેડી ક્વોટામાંથી મંત્રી પણ છે.
આ પણ વાંચો: Nifty/ શેરબજારનો સુપર મન્ડે, ઈતિહાસ રચીને નિફ્ટી 20 હજારને પાર; સેન્સેક્સમાં પણ આવી તેજી
આ પણ વાંચો: ‘અદ્રશ્ય’/ જિનપિંગની કેબિનેટ બની અગાથા ક્રિસ્ટીની નોવેલ જેવી રહસ્યમયઃ ચીનના સંરક્ષણ પ્રધાન જ ગાયબ
આ પણ વાંચો: Vadodara Gets New Mayor/ કોણ છે વડોદરાના નવા મેયર પિન્કીબેન સોની જાણો….
