કોમેડિયન અને એક્ટર રાજુ શ્રીવાસ્તવની સ્થિતિમાં ખાસ સુધારો નથી. રાજુ હજુ પણ AIIMSના ICUમાં દાખલ છે. રાજુ શ્રીવાસ્તવના પરિવારના સૂત્રોના જણાવ્યા અનુસાર પીએમ મોદીએ કોમેડિયન અને ઉત્તર પ્રદેશ ફિલ્મ વિકાસ પરિષદના અધ્યક્ષ રાજુ શ્રીવાસ્તવની હાલત પૂછી હતી. પીએમે રાજુની પત્નીને ફોન કરીને તેની સ્થિતિ જાણી અને મદદની ખાતરી આપી.રાજુ હજુ વેન્ટિલેટર પર છે. તબિયતમાં હજુ કોઈ સુધારો થયો નથી.
રાજુની સારવાર AIIMSના વરિષ્ઠ ડૉક્ટરોની દેખરેખ હેઠળ ચાલી રહી છે. રાજુ શ્રીવાસ્તવને છેલ્લા 46 કલાકથી હોશ નથી આવ્યો.હાર્ટ એટેકના કારણે રાજુને બુધવારે દિલ્હીની AIIMSમાં દાખલ કરવામાં આવ્યા હતા. તબિયત બગડતા પહેલા જ તેઓ 4-5 દિવસ માટે દિલ્હી આવ્યા હતા. રાજુને સાઉથ એક્સમાં કલ્ટ જિમમાં ટ્રેડમિલ પર કસરત દરમિયાન અચાનક છાતીમાં દુખાવો થવાને કારણે એઈમ્સમાં લઈ જવામાં આવ્યો હતો, ત્યારથી તેની સારવાર ચાલી રહી છે. વડાપ્રધાન નરેન્દ્ર મોદી, રક્ષા મંત્રી રાજનાથ સિંહ અને ઉત્તર પ્રદેશના સીએમ યોગી આદિત્યનાથે અત્યાર સુધી રાજુ શ્રીવાસ્તવના પરિવાર સાથે વાત કરી છે અને તેમની સ્થિતિની જાણ લીધી છે.
આ પહેલા તેમની પુત્રી અંતરા શ્રીવાસ્તવે તેમની તબિયત વિશે જણાવતા કહ્યું હતું કે તેમની સ્થિતિમાં કોઈ ખાસ સુધારો નથી. મેડિકલ ટીમ પોતાનું સર્વશ્રેષ્ઠ આપી રહી છે. અમે પ્રાર્થના કરી શકીએ છીએ અને તેમના માટે ઝડપથી સાજા થવા માટે સતત પ્રાર્થના કરીએ છીએ.
જણાવી દઈએ કે, બુધવારે 58 વર્ષીય અભિનેતા અને કોમેડિયન રાજુ શ્રીવાસ્તવને એમ્સમાં દાખલ કરવામાં આવ્યા હતા. તેઓ મિટિંગ માટે હોટલમાં રોકાયા હતા. જ્યાં તે સવારે ઉઠીને જીમમાં કસરત કરવા ગયો હતો. ટ્રેડમિલ પર દોડતી વખતે તેને છાતીમાં દુખાવો થવા લાગ્યો. આ દરમિયાન તેમને હાર્ટ એટેક આવતા તેઓ જમીન પર પડી ગયા હતા. તરત જ તેની ટીમે તેને હોસ્પિટલમાં દાખલ કરાવ્યો. સૂત્રોનું માનીએ તો તેઓ મોટા નેતાઓને મળવા માટે હોટલમાં રોકાયા હતા.
આ પણ વાંચો:1 કે 2 નહીં… ઈમરાન ખાન કુલ 9 બેઠકો પર ચૂંટણી લડશે, હાઈકોર્ટે તેની વિરુદ્ધ દાખલ કરેલી અરજી ફગાવી
