Poco X8 5G સ્માર્ટફોન લોન્ચ કરાયો

Tech & Auto News : સ્માર્ટફોન બ્રાન્ડ પોકો (Poco X8 5G) એ ભારતીય ગ્રાહકો માટે પોતાની નવી ‘X8 સિરીઝ’ અંતર્ગત અદ્યતન ફ્લેગશિપ સ્માર્ટફોન લોન્ચ (Smartphone Launch) કર્યો છે. લાંબા સમય સુધી ચાલતી બેટરી લાઈફ અને અદ્યતન ડિસ્પ્લે ટેકનોલોજી શોધતા યુઝર્સ માટે આ હેન્ડસેટ બજારમાં ઉત્તમ વિકલ્પ બનીને ઉભરી આવ્યો છે. આ સીરિઝ સાથે પોકોએ ‘Poco X8 Power’ વર્ઝન પણ માર્કેટમાં રજૂ કર્યું છે.

બેટરી અને ચાર્જિંગમાં પાવરફુલ પરફોર્મન્સ

Poco X8 5G ની સૌથી મોટી ખાસિયત તેમાં આપવામાં આવેલી 9,000mAh ની મહાકાય બેટરી છે. આ પાવરફુલ બેટરીનેઝડપથી ચાર્જ કરવા માટે 67W વાયર્ડ ફાસ્ટ ચાર્જિંગ ટેકનોલોજીનો સપોર્ટ મળે છે. આ ઉપરાંત, આ ફોન 22.5W વાયર્ડ રિવર્સ ચાર્જિંગ સુવિધા સાથે આવે છે, જેનાથી તમે અન્ય નાના ગેજેટ્સ પણ ચાર્જ કરી શકો છો.

દમદાર ડિસ્પ્લે અને વિઝ્યુઅલ એક્સપિરિયન્સ

સ્ક્રીન સાઈઝ: 6.83 ઈંચનું 1.5K AMOLED પેનલ

રિફ્રેશ રેટ અને બ્રાઈટનેસ: 120Hz રિફ્રેશ રેટ અને 3,500 નિટ્સ સુધીની પીક બ્રાઈટનેસ

પ્રોટેક્શન: ડિસ્પ્લે સુરક્ષા માટે Gorilla Glass Victus 2 અને વેટ ટચ (Wet Touch 2.0) ટેકનોલોજી

મનોરંજન: HDR10+, ડ્યુઅલ સ્ટીરિયો સ્પીકર્સ અને Dolby Vision/Atmos સપોર્ટ

પ્રોસેસર, સોફ્ટવેર અને સિક્યોરિટી

આ હેન્ડસેટમાં 2.4GHz કલોક સ્પીડ ધરાવતું Qualcomm Snapdragon 6s Gen 4 પ્રોસેસર અને Adreno GPU આપવામાં આવ્યું છે. આ સ્માર્ટફોન Android 16 આધારિત HyperOS 3 ઓપરેટિંગ સિસ્ટમ પર કાર્ય કરે છે. પોકો દ્વારા આ મોડેલ માટે 4 મુખ્ય OS અપડેટ્સ અને 6 વર્ષ સુધી સિક્યોરિટી પેચ આપવાની ખાતરી આપવામાં આવી છે.

કેમેરા સેટઅપ અને સ્ટોરેજ વેરિઅન્ટ્સ

ફોટોગ્રાફીના શોખીનો માટે ફોનમાં OIS સપોર્ટ ધરાવતો 50MP નો પ્રાઇમરી કેમેરા અને 2MP નો સેકન્ડરી સેન્સર આપવામાં આવ્યો છે. જ્યારે સેલ્ફી અને વિડીયો કોલ માટે 16MP નો ફ્રન્ટ કેમેરા ઉપલબ્ધ છે.