રાજનીતિ/  પ્રફુલ્લ પટેલે કહ્યું- ‘જ્યારે આપણે શિવસેનાની વિચારધારાને સ્વીકારી શકીએ છીએ તો ભાજપ સાથે જવામાં શું વાંધો છે’

MET બાંદ્રા ખાતે એક બેઠક દરમિયાન ધારાસભ્યોને સંબોધતા, પ્રફુલ્લ પટેલે મહા વિકાસ અઘાડી ગઠબંધન બનાવવા માટે શિવસેનાને NCPના સમર્થનની હાકલ કરી. પટેલે કહ્યું, “જ્યારે આપણે શિવસેનાની વિચારધારાને સ્વીકારી શકીએ છીએ તો ભાજપ સાથે જવામાં શું વાંધો છે? અમે સ્વતંત્ર એકમ તરીકે આ જોડાણમાં જોડાયા છીએ. તેમણે કહ્યું. “મહેબૂબા મુફ્તી અને ફારુક અબ્દુલ્લાએ જમ્મુ અને કાશ્મીરમાં ભાજપનો સાથ આપ્યો અને હવે સંયુક્ત વિપક્ષનો ભાગ છે,”

પટનામાં તાજેતરમાં મળેલી વિપક્ષી બેઠકનો ઉલ્લેખ કરતાં પ્રફુલ્લ પટેલે કહ્યું, “હું શરદ પવાર સાથે પટનામાં સંયુક્ત વિપક્ષની બેઠકમાં ગયો હતો અને આ દ્રશ્યે મને હસાવ્યું હતું. 17 વિરોધ પક્ષો હતા, જેમાંથી 7 પાસે લોકસભામાં માત્ર 1 સાંસદ છે અને એક પક્ષ પાસે શૂન્ય સાંસદ છે. તેઓ દાવો કરે છે કે તેઓ પરિવર્તન લાવશે… અમે NDAમાં  જોડાવાનો જે નિર્ણય લીધો છે તે દેશ અને અમારી પાર્ટી માટે છે, વ્યક્તિગત લાભ માટે નહીં.

#WATCH | NCP leader Praful Patel at MET Bandra, says “When we could accept the ideology of Shiv Sena, then what is the objection in going with BJP? We have joined this alliance as an independent entity. Mehbooba Mufti and Farooq Abdullah went with BJP in Jammu and Kashmir and… pic.twitter.com/hRZhroIyu6

— ANI (@ANI) July 5, 2023

શરદ પવારની બેઠકમાં દસ ધારાસભ્યોએ હાજરી આપી હતી

શરદ પવાર અને અજિત પવાર બંનેએ બુધવારે NCP ધારાસભ્યો સાથે અલગ-અલગ બેઠક કરી હતી. નાયબ મુખ્ય પ્રધાન અજિત પવાર દ્વારા બોલાવવામાં આવેલી બેઠકમાં 53માંથી 31 ધારાસભ્યોએ હાજરી આપી હતી. બીજી તરફ એનસીપી પ્રમુખ શરદ પવારની બેઠકમાં માત્ર દસ ધારાસભ્યોએ હાજરી આપી હતી.

રવિવારે, 63 વર્ષીય અજિત પવારે NCPમાં ભાગલાનું નેતૃત્વ કર્યું, જેની સ્થાપના તેમના કાકા શરદ પવાર દ્વારા 24 વર્ષ પહેલાં કરવામાં આવી હતી. મહિનાઓના સસ્પેન્સનો અંત આવતા 63 વર્ષીય નેતાએ સાતમી વખત ડેપ્યુટી સીએમ તરીકે શપથ લીધા. આ દરમિયાન દિલીપ વલસે પાટીલ, છગન ભુજબળ, ધનંજય મુંડે સહિત અન્ય આઠ ધારાસભ્યોએ મંત્રી તરીકે શપથ લીધા.

એક દિવસ પછી, શરદ પવારે પ્રફુલ પટેલ અને સુનીલ તટકરેને ‘પાર્ટી વિરોધી પ્રવૃત્તિઓ’ માટે પાર્ટીમાંથી હાંકી કાઢ્યા. જવાબમાં, પટેલે રાજ્ય એનસીપીના વડા જયંત પાટીલને હટાવવાની અને સુનિલ તટકરેને રાજ્ય પક્ષના વડા તરીકે નિયુક્ત કરવાની જાહેરાત કરી.

આ પણ વાંચો:Pawar Vs Pawar/નંબર ગેમમાં અજીત જીત તરફઃ અજિતને ત્યાં 30 અને શરદ પવારને ત્યાં 13 વિધાનસભ્યો હાજર

આ પણ વાંચો:Gadkari-Petrol/ગડકરીનો ચોંકાવનારો દાવોઃ દેશમાં પેટ્રોલ 15 રૂપિયા પ્રતિ લિટરે મળશે

આ પણ વાંચો:Baba Dhirendra Shastri/દિલ્લી આવી રહ્યા છે બાગેશ્વર ધામના ધીરેન્દ્ર શાસ્ત્રી,  ટ્રાફિક પોલીસે કથા પહેલા કરી એડવાઈઝરી જારી, જાણો સંપૂર્ણ રૂટ