ટીમ ઈન્ડિયામાં પુનરાગમન કરવામાં નિષ્ફળ રહ્યા બાદ, પૃથ્વી શૉ ઘરેલું દેવધર ટ્રોફી છોડીને ઈંગ્લિશ કાઉન્ટી ક્રિકેટમાં પોતાનો હાથ અજમાવી રહ્યો છે. જ્યારે તેણે વોર્મ-અપ મેચમાં શાનદાર અડધી સદી ફટકારીને ઘણી હેડલાઇન્સ બનાવી હતી, ત્યારે તેણે કાઉન્ટી ક્રિકેટની ડેબ્યૂ મેચમાં ખૂબ જ વિચિત્ર શરૂઆત કરી હતી. પૃથ્વી શૉએ ગ્લુસેસ્ટરશાયર સામે નોર્થમ્પ્ટશાયર માટે કાઉન્ટી ડેબ્યૂ કર્યું હતું. પહેલી જ મેચમાં, તે ગ્લુસેસ્ટરશાયરના ઝડપી બોલર પોલ વાન મીકર્નના ઝડપી બાઉન્સર પર પડ્યો હતો અને પોતે જ સ્ટમ્પને ફટકાર્યો હતો.
હકીકતમાં, પૃથ્વી શૉએ કાઉન્ટી ડેબ્યૂમાં 34 રન બનાવ્યા હતા. આ દરમિયાન, ગ્લુસેસ્ટરશાયરના ફાસ્ટ બોલર પોલ વાન મીકેરેને ખતરનાક બાઉન્સર ફેંક્યો, જેના પર પૃથ્વીએ શોટ ખેંચવાનો પ્રયાસ કર્યો. પરંતુ, બોલ તેના માથા ઉપર જતાં તેણે સંતુલન ગુમાવ્યું અને તે જમીન પર પડી ગયો અને વિકેટ પર બેટ સાથે અથડાયો.
વોર્મ-અપ મેચમાં રમાઈ હતી તોફાની ઇનિંગ્સ
જણાવી દઈએ કે પૃથ્વી શોએ કાઉન્ટી ક્રિકેટમાં ડેબ્યૂ કરતા પહેલા એક વોર્મ-અપ મેચ પણ રમી હતી. તે ઇન્ટ્રા-સ્કવોડ મેચમાં, પૃથ્વીએ સ્ટીલબેક્સ સામે શાનદાર અડધી સદી ફટકારી હતી. શોએ તે મેચમાં માત્ર 39 બોલમાં 65 રન બનાવ્યા હતા. તેની ઈનિંગ્સ સોશિયલ મીડિયા પર પણ ચર્ચાનો વિષય બની હતી.
HIT WICKET!!!! 🚀
Paul van Meekeren with a fierce bumper that wipes out Prithvi Shaw who kicks his stumps on the way down. What a delivery! Shaw goes for 34.
Northants 54/6.#GoGlos 💛🖤 pic.twitter.com/EMYD30j3vy
— Gloucestershire Cricket (@Gloscricket) August 4, 2023
IPL 2023 ખરાબ રીતે ફ્લોપ થયું
જણાવી દઈએ કે પૃથ્વી IPL 2023માં દિલ્હી કેપિટલ્સ તરફથી રમ્યો હતો અને સતત ફ્લોપ થવાને કારણે તેને પ્લેઈંગ ઈલેવનમાંથી પણ બહાર કરી દેવામાં આવ્યો હતો. પૃથ્વી શૉ ત્રણેય ફોર્મેટમાં ટીમ ઈન્ડિયા માટે રમ્યો છે. છેલ્લી વખત તે ભારત માટે જુલાઈ 2021માં શ્રીલંકા સામેની વનડે શ્રેણીમાં રમ્યો હતો. ત્યારથી પૃથ્વી ટીમ ઈન્ડિયાની બહાર ચાલી રહ્યો છે.
આ પણ વાંચો:Rishabh Pant/ઋષભ પંત પર આવી સૌથી મોટી અપડેટ, નેટ્સમાં કરી રહ્યો છે દમદાર પ્રેકિટસ
આ પણ વાંચો:World Cup 2023/“આ 4 ટીમો 2023 વર્લ્ડ કપની સેમિફાઇનલ રમશે”, ઓસ્ટ્રેલિયન દિગ્ગજની આગાહી
આ પણ વાંચો:India Got gold in Archery/ભારતીય તીરંદાજી ટીમે વર્લ્ડ આર્ચરીમાં ગોલ્ડ જીતી ઇતિહાસ રચ્યો
