PSL to beat IPL Claim: પાકિસ્તાન ક્રિકેટ બોર્ડ (PCB) ના ચેરમેન મોહસિન નકવીએ પાકિસ્તાન સુપર લીગને લઈને એક વિવાદાસ્પદ અને ચોંકાવનારો દાવો કર્યો છે. નકવીએ હિંમતભેર કહ્યું છે કે એ દિવસો દૂર નથી જ્યારે પાકિસ્તાન ક્રિકેટ બોર્ડ ઇન્ડિયન પ્રીમિયર લીગને પાછળ છોડીને વિશ્વની સર્વશ્રેષ્ઠ ફ્રેન્ચાઇઝી લીગ બની જશે. જોકે, વર્તમાન આંકડા અને ગ્રાઉન્ડ રિયાલિટી કંઈક અલગ જ વાર્તા કહે છે.
મોહસિન નકવીનો ઓપન ચેલેન્જ
પીસીબી બોર્ડ ઓફ ગવર્નર્સની બેઠકમાં બોલતા મોહસિન નકવીએ જણાવ્યું હતું કે, “PSL હવે રોકાણના દૃષ્ટિકોણથી એક વિશાળ અને આકર્ષક માર્કેટ બની ચૂક્યું છે. તે રોકાણ માટેનું શ્રેષ્ઠ પ્લેટફોર્મ છે અને ટૂંક સમયમાં જ તે દુનિયાની નંબર-1 લીગ તરીકે ઉભરી આવશે.” નોંધનીય છે કે આ નિવેદન એવા સમયે આવ્યું છે જ્યારે PSL ની 11મી સીઝન માત્ર બે વેન્યુ પર અને દર્શકો વિના રમાઈ રહી છે.
IPL vs PSL: આંકડામાં આસમાન-જમીનનો તફાવત
મોહસિન નકવીના દાવા છતાં, જો આપણે નાણાકીય આંકડાઓ પર નજર કરીએ તો PSL અને IPL વચ્ચે કોઈ સરખામણી જ નથી:
મીડિયા રાઇટ્સ: પાકિસ્તાન ક્રિકેટ બોર્ડના મીડિયા રાઇટ્સની કિંમત અંદાજે 6 બિલિયન ડોલર છે, જ્યારે PSL ના રાઇટ્સ માત્ર 93 મિલિયન ડોલર ની આસપાસ છે.
વાર્ષિક કમાણી: IPL દર વર્ષે 1 બિલિયન ડોલર થી વધુની કમાણી કરે છે, જેની સામે પાકિસ્તાન ક્રિકેટ બોર્ડનું રેવન્યુ માત્ર 60 મિલિયન ડોલર છે.
રેન્કિંગ: વર્લ્ડ ક્રિકેટર્સ એસોસિએશન (WCA) મુજબ, IPL ત્રીજા સ્થાને છે, જ્યારે PSL પાંચમા ક્રમે છે.
PSL માં વિવાદોનો ભરડો
નકવી જ્યારે પાકિસ્તાન ક્રિકેટ બોર્ડને નંબર-1 બનાવવાની વાતો કરી રહ્યા છે, ત્યારે વર્તમાન સીઝન વિવાદોથી ઘેરાયેલી છે. ફખર ઝમાનને બોલ ટેમ્પરિંગ બદલ સસ્પેન્ડ કરવામાં આવ્યો છે, જ્યારે શાહીન આફ્રિદી અને સિકંદર રઝાને હોટલમાં અનધિકૃત મહેમાનો લાવવા બદલ દંડ ફટકારવામાં આવ્યો છે. એક તરફ IPL અનેક શહેરોમાં ભવ્ય રીતે રમાય છે, જ્યારે પાકિસ્તાન ક્રિકેટ બોર્ડ મર્યાદિત સંસાધનો અને ખાલી સ્ટેડિયમો વચ્ચે સંઘર્ષ કરી રહી છે.
