કોંગ્રેસ નેતા રાહુલ ગાંધીએ કહ્યું કે, કેન્દ્ર સરકારે કહ્યું કે મહિલા આરક્ષણ લાગુ કરવા માટે વસ્તી ગણતરી કરવી પડશે, સીમાંકન કરવું પડશે, આમાં સમય લાગશે. રાહુલ ગાંધીએ કહ્યું કે, સત્ય એ છે કે તે આજે જ કરી શકાય છે. સરકાર કહી રહી છે કે તેને 2029માં લાગુ કરવામાં આવશે, પરંતુ આવું થશે કે નહીં તે અંગે શંકા છે.
રાહુલ ગાંધીએ આગળ કહ્યું કે,પીએમ મોદીએ તેમના આગામી ભાષણમાં દેશની જનતાને સમજાવવું જોઈએ કે દેશના 90 સૌથી મહત્વપૂર્ણ અધિકારીઓમાંથી માત્ર ત્રણ અધિકારીઓ જ OBC સમુદાયના કેમ છે. મેં આજ સુધી પછાત લોકો, દલિત કે આદિવાસીઓની વાત કરી નથી.
#WATCH | Congress MP Rahul Gandhi says, "Women's Reservation Bill is great but we received two footnotes that Census and Delimitation need to be done before that. Both of these will take years. The truth is that the Reservation can be implemented today…This is not a complicated… pic.twitter.com/BzLvKzOrL0
— ANI (@ANI) September 22, 2023
વાયનાડના કોંગ્રેસના સાંસદ રાહુલ ગાંધીએ કહ્યું કે, મહિલા આરક્ષણ બિલ (નારી શક્તિ વંદન અધિનિયમ) સારું છે, પરંતુ અમને બે ફૂટનોટ મળી છે કે તે પહેલા વસ્તી ગણતરી અને સીમાંકન કરવાની જરૂર છે. તેમણે કહ્યું કે વસ્તી ગણતરી અને સીમાંકન કરવામાં ઘણા વર્ષો લાગશે.
રાહુલ ગાંધીએ વધુમાં કહ્યું કે, સત્ય એ છે કે અનામત આજે જ લાગુ થઈ શકે છે. આ કોઈ જટિલ બાબત નથી, પરંતુ સરકાર આ કરવા માંગતી નથી. સરકારે તેને દેશ સમક્ષ રજૂ કરી છે પરંતુ હવેથી 10 વર્ષ બાદ તેનો અમલ કરવામાં આવશે. આનો અમલ થશે કે નહીં તે કોઈને ખબર નથી. આ એક વિક્ષેપ યુક્તિ છે, વિચલિત કરવાની યુક્તિ છે.
ઉલ્લેખનિય છે કે, લોકસભા અને વિધાનસભામાં મહિલાઓ માટે 33 ટકા અનામતની જોગવાઈ કરતું મહિલા અનામત બિલ રાજ્યસભામાં બિનહરીફ પસાર થઈ ગયું છે. ત્યારે બુધવારે આ બિલને બે તૃતિયાંશ બહુમતીથી મંજૂરી આપવામાં આવી હતી. આ બિલની તરફેણમાં 215 વોટ પડ્યા જ્યારે તેની વિરુદ્ધમાં એક પણ વોટ પડ્યો ન હતો. રાજ્યસભામાં હાજર સભ્યોએ મતદાન માટે મલ્ટીમીડિયા ઉપકરણોનો ઉપયોગ કર્યો હતો જે લોકસભા દ્વારા પસાર થઈ ચૂક્યો હતો. મહિલા અનામત બિલ રાજ્યસભામાં પસાર થયા બાદ હવે તેને રાષ્ટ્રપતિ પાસે મોકલવામાં આવશે. રાષ્ટ્રપતિની મંજૂરીની સાથે જ આ બિલ ‘નારી શક્તિ વંદન એક્ટ’ બની જશે. બિલ પાસ થયા બાદ મહિલા સાંસદોએ અનોખી રીતે ખુશી વ્યક્ત કરી હતી.
આ પણ વાંચો: Indus River Water Agreement/ ભારત હવે પાકિસ્તાન સાથે સિંધુ નદી જળ કરાર કરશે રદ,તરસ્યું મરશે પાકિસ્તાન
આ પણ વાંચો: Supreme Court/ સુપ્રીમ કોર્ટની મહત્વપૂર્ણ ટિપ્પણી,કહ્યું કેદીને માફી આપીને સમય પહેલા મુક્ત કરવાનો ઇનકાર કરવો એ કેદીઓના મૂળભૂત
આ પણ વાંચો: Ambalal Forecast/ વરસાદ નહી અંબાલાલ ત્રાટક્યાઃ મહિનો પૂરો થતાં પહેલા વધુ એક રાઉન્ડની આગાહી
