Ahmedabad News : ગુજરાતમાં આગામી સાત દિવસ દરમિયાન વરસાદી માહોલ યથાવત રહેવાની સંભાવના વ્યક્ત કરવામાં આવી છે. હવામાનની ચાર અલગ-અલગ સિસ્ટમ એકસાથે સક્રિય થતાં રાજ્યના અનેક વિસ્તારોમાં ભારેથી અતિભારે વરસાદ (Rain) પડી શકે છે.

હવામાન વિભાગ (Weather Department)ના અનુમાન મુજબ હાલમાં એક ટ્રફ, બે સાયક્લોનિક સર્ક્યુલેશન અને એક વેસ્ટર્ન ડિસ્ટર્બન્સ સક્રિય છે. આ તમામ સિસ્ટમના સંયુક્ત પ્રભાવને કારણે રાજ્યમાં વરસાદની ગતિવિધિ તેજ બનવાની શક્યતા છે.

દક્ષિણ ગુજરાત (South Gujarat) માટે આગામી પાંચ દિવસ સુધી રેડ એલર્ટ જાહેર કરવામાં આવ્યું છે. આ વિસ્તારોમાં કેટલાક સ્થળોએ અત્યંત ભારે વરસાદ (Rain)પડી શકે છે. નદી-નાળા, નીચાણવાળા વિસ્તારો અને પૂરપ્રવણ વિસ્તારોમાં રહેતા લોકોને ખાસ સાવચેત રહેવાની સલાહ આપવામાં આવી છે.

સૌરાષ્ટ્ર વિસ્તારમાંપણ આગામી પાંચ દિવસ દરમિયાન અતિભારે વરસાદ (Rain)ની આગાહી

સૌરાષ્ટ્ર વિસ્તારમાં પણ આગામી પાંચ દિવસ દરમિયાન અતિભારે વરસાદની આગાહી કરવામાં આવી છે. ભારે વરસાદના કારણે જળભરાવ અને સ્થાનિક સ્તરે અવરજવર પ્રભાવિત થવાની શક્યતા છે.

અમદાવાદ શહેરમાં આજે મધ્યમ વરસાદની સંભાવના છે. દિવસ દરમિયાન વાદળછાયું વાતાવરણ રહેવાની સાથે કેટલાક વિસ્તારોમાં હળવાથી મધ્યમ વરસાદ વરસી શકે છે.

પ્રશાસન દ્વારા લોકોને હવામાન વિભાગની સત્તાવાર સૂચનાઓ પર નજર રાખવા, જરૂરી ન હોય તો ભારે વરસાદ દરમિયાન મુસાફરી ટાળવા અને સુરક્ષિત સ્થળે રહેવાની અપીલ કરવામાં આવી છે.

આ પણ વાંચો: દેશભરમાં 16 રાજ્યોમાં ભારે વરસાદ અને વાવાઝોડાનું એલર્ટ, IMDની મોટી આગાહી

આ પણ વાંચો: ગુજરાત 2થી 3 જુલાઈ દરમિયાન અનેક જિલ્લામાં વરસાદ, 1 જુલાઈએ માછીમારોને દરિયો ન ખેડવાની સલાહ

આ પણ વાંચો: સુરતની ખાનગી હોસ્પિટલમાં નર્સનું મૃત્યુ, પ્રાથમિક તપાસમાં પ્રેમ સંબંધનો એંગલ; પોલીસે તપાસ શરૂ કરી