Bharuch News: હવામાનમાં આવેલા અચાનક પલટા બાદ ભરૂચ જિલ્લાના જંબુસરમાં મેઘરાજાએ ધમાકેદાર એન્ટ્રી કરી છે. લાંબા સમયના અસહ્ય ઉકળાટ અને ગરમી બાદ જંબુસર અને આસપાસના વિસ્તારોમાં ધોધમાર વરસાદ તૂટી પડતાં સમગ્ર પંથકમાં ઠંડક પ્રસરી ગઈ છે. આ વરસાદના કારણે સ્થાનિક લોકોને ગરમીમાંથી મોટી રાહત મળી છે, તો બીજી તરફ જગતનો તાત પણ હરખાયો છે.
વરસાદ(Rain)થી બજારોમાં ભરાયા પાણી, વાહનચાલકો અટવાયા
સુરત અને સૌરાષ્ટ્રને ધમરોળ્યા પછી ભરૂચ (Bharuch)માં પણ બપોર બાદ વાતાવરણમાં અચાનક પલટો આવ્યો હતો અને ધોધમાર વરસાદ શરૂ થયો હતો. ટૂંક સમયમાં પડેલા ભારે વરસાદના કારણે જંબુસરના નીચાણવાળા વિસ્તારો અને બજારોમાં વરસાદી પાણી ભરાઈ ગયા હતા. રસ્તાઓ પર પાણી ફરી વળતાં વાહનચાલકો અને રાહદારીઓને ભારે હાલાકીનો સામનો કરવો પડ્યો હતો, તેમજ વેપારીઓના ધંધા-રોજગારને પણ અસર પહોંચી હતી.
ખેડૂતોમાં ખુશીનો માહોલ
આ વરસાદ અમુક અંશે સામાન્ય જનજીવન માટે મુશ્કેલી લાવ્યો છે, પરંતુ ખેડૂતો (Farmer)માટે આકાશી અમૃત સમાન સાબિત થયો છે. વરસાદની ધમાકેદાર એન્ટ્રી થતાં જ ખેડૂતોમાં ખુશીની લહેર ફેલાઈ ગઈ છે. ચાલુ સીઝનના પાક માટે આ વરસાદ ખૂબ જ ફાયદાકારક હોવાનું ખેડૂતો જણાવી રહ્યા છે.
