સુપરસ્ટાર રજનીકાંતની તાજેતરમાં રિલીઝ થયેલી અન્નતે ફિલ્મને પ્રેક્ષકો અને વિવેચકો તરફથી મિશ્ર પ્રતિસાદ મળ્યો હોવા છંતા પણ ત્રણ દિવસમાં વિશ્વભરમાંથી 100 કરોડની કમાણી કરી છે. આ ફિલ્મ શિવા દ્રારા દિગ્દર્શિત કરવામાં આવી છે અન્નતે એક ગામડાના પ્રમુખની સ્ટોરી છે ,તે રજનીકાંત દ્વારા ભજવવામાં આવી છે. જે તેની બહેનની સંભાળ રાખવા કોલકાતા જાય છે. આ ફિલ્મમાં કીર્તિ સુરેશ રજનીકાંતની બહેનની ભૂમિકા નિભાવી છે. આ ઉપરાંત ફિલ્મમાં ખુશ્બુ સુંદર, મીના અને જગપતિ બાબુ પણ મુખ્ય ભૂમિકામાં છે ત્રણ દિવસમાં જ આ ફિલ્મે 100 કરોડની રેકોર્ડ કમાણી કરી લીધી છે.
તમિલનાડુ સહિત અનેક સ્થળથી મિશ્ર પ્રતિસાદ હોવા છતાં, ફિલ્મે બોક્સ-ઓફિસ પર અવિશ્વસનીય રીતે સારો દેખાવ કર્યો છે. અન્નત્તે વિશ્વભરમાં માત્ર ત્રણ દિવસમાં ₹100 કરોડની ક્લબમાં સામેલ થઇ છે. દિવાળી વીકએન્ડ હોવાથી દર્શકો મૂવી જોવા માટે ઉત્તસાહિત જોવા મળ્યા હતા,આવનારા દિવસોમાં ફિલ્મ કેવી ચાલશે તે જોવાનું રહ્યું. રજનીકાંતની નવ ફિલ્મો છે જેમણે બોક્સ-ઓફિસ પર ₹100 કરોડથી વધુની કમાણી કરી છે. રજનીકાંતને ફિલ્મનો સૈૈાથી મોટો પુરસ્કાર દાદા સાહેબ પુરસ્કારથી નવાજવામાં આવ્યા છે.