હાલમાં જ મનોરંજન જગતમાંથી એક ખરાબ સમાચાર સામે આવ્યા છે. પીઢ ફિલ્મ નિર્માતા સુરેશ જિંદાલનું લાંબી માંદગી બાદ નિધન થયું છે. તેઓ ગંભીર રીતે બીમાર હતા અને એક મહિનાથી વધુ સમયથી નવી દિલ્હીની એક હોસ્પિટલમાં તેમની સારવાર ચાલી રહી હતી. મૃત્યુ અને જીવન વચ્ચેની લાંબી લડાઈ બાદ તેઓ જિંદગીની જંગ હારી ગયા હતા. તેમના નિધનથી ફિલ્મ ઈન્ડસ્ટ્રીને મોટો ફટકો પડ્યો છે.
સુરેશ જિંદાલે 80 વર્ષની વયે દુનિયાને અલવિદા કહી દીધું છે. આવતીકાલે બપોરે લગભગ 2 વાગે દિલ્હીના લોધી સ્મશાનભૂમિમાં તેમના અંતિમ સંસ્કાર કરવામાં આવશે.તેમના મૃત્યુ પછી, પરિવારે એક નિવેદન બહાર પાડ્યું કે, “હંમેશા અને હંમેશ માટે અમારા હૃદયમાં…સુરેશ જિંદાલ. 24.11.2022 ના રોજ તેમના સ્વર્ગસ્થ નિવાસસ્થાન માટે રવાના થયેલા સુરેશ જિંદાલના નિધન વિશે અમે તમને ઊંડા દુઃખ સાથે જાણ કરીએ છીએ. બપોરે 2 વાગ્યે લોધી સ્મશાનગૃહમાં અંતિમ સંસ્કાર કરવામાં આવશે.
સુરેશ જિંદાલે હિન્દી સિનેમામાં મુખ્ય ભૂમિકા ભજવી હતી. તેમણે રજનીગંધા, કથા અને સત્યજીત રેની શતરંજ કે ખિલાડી જેવી ફિલ્મો નિર્માણ કરી હતી.
