યુક્રેનમાં આજે સતત છઠ્ઠા દિવસે રશિયન હુમલો જારી રહ્યો છે. દરમિયાન, યુરોપિયન યુનિયન (EU)ની સંસદે યુક્રેનની અરજીને મંજૂરી આપી દીધી છે. યુક્રેનના નેતા વોલોડીમીર ઝેલેન્સકીએ સોમવારે 27 સભ્યોના યુરોપિયન યુનિયનમાં યુક્રેનના સભ્યપદ માટે અરજી કરી હતી. આજે આ અરજી મંજૂર કરવામાં આવી છે.અમે યુરોપના સમાન સભ્ય બનવા માટે પણ લડી રહ્યા છીએ,” ઝેલેન્સકીએ થોડા સમય પહેલા જ EU સંસદને સંબોધનમાં કહ્યું. ઝેલેન્સકીએ કહ્યું, “હું માનું છું કે આજે આપણે બધાને બતાવી રહ્યા છીએ કે આપણે શું છીએ… અમે સાબિત કર્યું છે કે, ઓછામાં ઓછું, અમે તમારા જેવા જ છીએ.”
તેમણે ખાર્કિવમાં રશિયન હુમલાને યુદ્ધ અપરાધ ગણાવ્યો હતો. તેમણે કહ્યું કે ખાર્કિવ પર થયેલો હુમલો આતંકવાદી હુમલો છે અને રશિયા આતંકવાદી દેશ છે. ઝેલેન્સકીએ વધુમાં કહ્યું કે અમને કોઈ તોડી શકે નહીં. અમે અમારી જમીન માટે લડતા રહીશું.નોંધનીય છે કે રશિયાએ 24 ફેબ્રુઆરીએ યુક્રેન પર હુમલો કર્યો હતો અને આ પૂર્વી યુરોપીયન દેશમાં ઘણી તબાહી થઈ છે.
