પશ્ચિમ બંગાળમાં યોજાનારી વિધાનસભાની ચૂંટણીને લઈ રાજકારણમાં માહોલ ગરમાયો છે, ત્યારે આ ચૂંટણી પહેલા એક મોટા સમાચાર મળ્યા છે. રાષ્ટ્રીય જનતા દળના નેતા તેજસ્વી યાદવે સોમવારે તૃણમૂલ કોંગ્રેસના વડા મમતા બેનર્જી સાથે મુલાકાત કરી હતી અને તેઓએ સંભવિત ગઠબંધન વિશે વાત કરી હતી જ્યારે મહાગઠબંધન આરજેડી તેના વિરોધી બનશે.
તેજસ્વી યાદવે બંગાળના સીએમ મમતા બેનર્જી સાથે તેમની કોલકાતા સ્થિત ઓફિસ ‘નબના’માં વાત કરી હતી, જે દરમિયાન બંને નેતાઓ વચ્ચે બેઠક વહેંચણી અંગે ચર્ચા કરવામાં આવી હતી. બેઠક બાદ બિહારના વિપક્ષી નેતા તેજસ્વીએ કહ્યું કે, ‘ડાબેરીઓ અને કોંગ્રેસ સાથેનું અમારું જોડાણ માત્ર બિહારમાં છે. અહીં મમતા દીદીના હાથ મજબૂત કરવા અને ભાજપ સાથે સ્પર્ધા કરવી તે આપણી ફરજ છે.
આ પણ વાંચો :“હું લોકડાઉન લાગુ કરવા નથી માંગતો પણ …”: મહારાષ્ટ્રના CM ઉદ્ધવ ઠાકરેનું નિવેદન
31 વર્ષીય તેજશ્વીએ કહ્યું કે, બંગાળમાં હિન્દીભાષી મતદારો મોટી સંખ્યામાં છે અને મારા પિતા લાલુ યાદવે નક્કી કર્યું છે કે તેમની પાર્ટી મમતા બેનર્જીને સંપૂર્ણ રીતે ટેકો આપશે. મમતાની પ્રશંસા કરતાં તેમણે કહ્યું, ‘અમે હંમેશાં મમતા દીદીનું સન્માન કર્યું છે, અમારો સારો સંબંધ છે. અમે તે કોમવાદી શક્તિઓ સામે મમતા જીની સાથે ઉભા છીએ, જેઓ દેશને તોડવા માંગે છે. ભાજપ અહીં સત્તા પર આવવા માંગે છે પરંતુ તે થવાનું નથી.
આ સાથે સાથે આરજેડી નેતાએ બિહાર મૂળના લોકોને શાસક તૃણમૂલ કોંગ્રેસની તરફેણમાં મત આપવા અપીલ કરી હતી. રાજ્ય સચિવાલયમાં બેનર્જી સાથેની મુલાકાત બાદ તેજસ્વીએ કહ્યું કે, તેમની પાર્ટીની પહેલી પ્રાથમિકતા ભાજપને પશ્ચિમ બંગાળમાં આગળ વધતા અટકાવવાની છે.
આ પણ વાંચો :ચીન ભારતની વીજળીની સુવિધાઓને બનાવી રહ્યું છે નિશાન, મુંબઈમાં આવેલું સંકટ છે તેનું ઉદાહરણ : રિપોર્ટ
આ સમયે પત્રકારોના સવાલ આરજેડી તૃણમૂલ કોંગ્રેસ સાથે જોડાણમાં ચૂંટણી લડશે ?. જેના પર તેમણે માત્ર એટલું કહ્યું હતું કે, આગામી ચૂંટણી ‘આદર્શો અને મૂલ્યો’ બચાવવા માટેની લડત હશે. તેજસ્વીએ કહ્યું, “અમારી પાર્ટીનો સ્ટેન્ડ મમતાજીને સંપૂર્ણ ટેકો આપવાનો છે.” તેમણે બિહારના લોકોને બેનર્જીની પાર્ટીની સાથે ઉભા રહેવાની અપીલ કરી. બદલામાં, બેનર્જીએ કહ્યું કે તેમને અને કેદ કરાયેલા લાલુ પ્રસાદને ‘એકબીજા પ્રત્યે આદર’ છે. મમતા બેનર્જીએ કહ્યું, “જ્યારે આપણે લડતા હોઈએ. ત્યારે આ અદભૂત ભાઈ પણ લડી રહ્યા છે, અમે સાથે છીએ.”
આ પણ વાંચો :ચેક રીટર્ન કેસમાં કોર્પોરેટ કરજદારો સામે કલમ ૧૩૮ મુજબ કાર્યવાહી થવી જોઈએ:SC
