Business Loan Update India: નાણા મંત્રાલયે દેશના નાના અને મધ્યમ ઉદ્યોગો (MSMEs) અને એવિએશન સેક્ટરને મોટી રાહત આપતા ₹2.5 લાખ કરોડના ખર્ચને મંજૂરી આપી દીધી છે. આ સ્કીમ હેઠળ કોઈ પણ ગેરંટી વગર બેંક લોન ઉપલબ્ધ કરાવવામાં આવશે. નાણા મંત્રાલયની વ્યય સમિતિ (EFC) ની મંજૂરી બાદ હવે આ પ્રસ્તાવ કેન્દ્રીય કેબિનેટ સમક્ષ મોકલવામાં આવ્યો છે, જ્યાં ટૂંક સમયમાં તેના પર અંતિમ મહોર લાગશે.
કોને મળશે આ યોજનાનો લાભ?
આ યોજના મુખ્યત્વે પશ્ચિમ એશિયામાં ચાલી રહેલા યુદ્ધ અને ભૌગોલિક તણાવના કારણે આર્થિક દબાણ અનુભવી રહેલા ક્ષેત્રો માટે છે:
MSME સેક્ટર: નાના અને મધ્યમ ઉદ્યોગોને પોતાનો વ્યવહાર ચાલુ રાખવા અને રોકડની અછત દૂર કરવા માટે લોન અપાશે.
એવિએશન સેક્ટર: ઈંધણના વધતા ભાવ અને વૈશ્વિક તણાવને કારણે સંકટમાં રહેલી એરલાઈન્સ માટે ખાસ જોગવાઈ કરાઈ છે.
આયાત-નિકાસ ઉદ્યોગ: એવા ઉદ્યોગો જે કાચા માલની આયાત પર નિર્ભર છે અને સપ્લાય ચેઈન ખોરવાતા આર્થિક મુશ્કેલીમાં છે.
ECLGS યોજનાનું વિસ્તરણ
આ પ્રસ્તાવિત યોજના વર્ષ 2020 માં કોવિડ-19 દરમિયાન શરૂ કરવામાં આવેલી ‘ઈમરજન્સી ક્રેડિટ લાઈન ગેરંટી સ્કીમ’ (ECLGS) જેવી જ હશે.
ઉદ્દેશ્ય: સરકાર ઈચ્છે છે કે વધતા ખર્ચ (Loan) અને વૈશ્વિક અનિશ્ચિતતાને કારણે કોઈ પણ ઉદ્યોગ લોન (Loan) ચૂકવવામાં ડિફોલ્ટ ન થાય અને તેમને સતત ધિરાણ મળતું રહે.
બજેટ: ₹2.5 લાખ કરોડની આ રકમ સપ્લાયમાં અવરોધ અને વધતા ઇનપુટ ખર્ચના દબાણને ઘટાડવા માટે વાપરવામાં આવશે.
કેમ પડી રહી છે આ યોજનાની જરૂર?
પશ્ચિમ એશિયાના સંકટને કારણે વૈશ્વિક બજારમાં કોમોડિટીના ભાવ વધ્યા છે અને ટ્રેડ ફ્લો પ્રભાવિત થયો છે. આ પરિવર્તનને કારણે ચાલુ નાણાકીય વર્ષમાં ઉદ્યોગો સામે નવા પડકારો ઉભા થયા છે, જેનો સામનો કરવા સરકાર આ આર્થિક (Loan) કવચ પૂરું પાડી રહી છે.
