પુણેના મહારાષ્ટ્ર ક્રિકેટ એસોસિએશન સ્ટેડિયમમાં રમાઈ રહેલી IPL 2022ની 29મી મેચમાં ચેન્નાઈ સુપર કિંગ્સે પ્રથમ રમત રમીને 20 ઓવરમાં 4 વિકેટે 169 રન બનાવ્યા હતા. ચેન્નાઈ તરફથી રૂતુરાજ ગાયકવાડે 48 બોલમાં 73 રનની શાનદાર ઇનિંગ રમી હતી. આ દરમિયાન તેણે 5 ફોર અને 5 સિક્સર ફટકારી હતી. જ્યારે અંબાતી રાયડુએ 31 બોલમાં 46 રન બનાવ્યા હતા. રાયડુના બેટમાં 4 ફોર અને 2 સિક્સર ફટકારી હતી.
ટોસ હારીને પ્રથમ બેટિંગ કરવાનો નિર્ણય લીધા બાદ ચેન્નાઈની શરૂઆત ફરી એકવાર સારી રહી ન હતી. આ વખતે રોબિન ઉથપ્પાનું બેટ શાંત રહ્યું હતું. તે માત્ર ત્રણ રન બનાવીને આઉટ થયો હતો. તેને મોહમ્મદ શમીએ પેવેલિયન મોકલ્યો હતો. આ પછી ત્રીજા નંબરે બેટિંગ કરવા આવેલો મોઈન અલી પણ સસ્તામાં આઉટ થઈ ગયો હતો. તેને અલઝારી જોસેફે એક રન બનાવીને આઉટ કર્યો હતો.
32 રનમાં બે વિકેટ પડી ગયા બાદ રુતુરાજ ગાયકવાડ અને અંબાતી રાયડુએ ચેન્નાઈના દાવને સંભાળ્યો હતો. ગાયકવાડે 48 બોલમાં 73 રનની શાનદાર ઇનિંગ રમી હતી. આ દરમિયાન તેણે 5 ફોર અને 5 સિક્સર ફટકારી હતી. જ્યારે અંબાતી રાયડુએ 31 બોલમાં 46 રન બનાવ્યા હતા. રાયડુના બેટમાં 4 ફોર અને 2 સિક્સર ફટકારી હતી. બંનેએ ત્રીજી વિકેટ માટે 92 રનની ભાગીદારી નોંધાવી હતી.
CSK fans – enough runs on the board? 🤔🤔
GT fans – Who is going to be your performer in the run-chase? 🧐🧐#GTvCSK #TATAIPL #IPL2022Follow the game here https://t.co/53tJkgcAWY pic.twitter.com/6AndhyvMed
— IndianPremierLeague (@IPL) April 17, 2022
અંતે રવિન્દ્ર જાડેજા 12 બોલમાં 22 રન બનાવીને અણનમ પરત ફર્યો હતો. જયારે શિવમ દુબેએ 17 બોલમાં 2 ચોગ્ગાની મદદથી 19 રન બનાવ્યા હતા. તે છેલ્લા બોલ પર રન આઉટ થયો હતો. આ સાથે જ ગુજરાત તરફથી અલ્ઝારી જોસેફે સૌથી વધુ બે વિકેટ ઝડપી હતી. આ સિવાય યશ દયાલ અને મોહમ્મદ શમીને એક-એક સફળતા મળી છે.
