Sabarmati-Veraval Vande Bharat Route Changed 2026: ગુજરાતના યાત્રિકો અને રેલવે મુસાફરો માટે એક બહુ મોટા સમાચાર સામે આવ્યા છે. પશ્ચિમ રેલવેની લોકપ્રિય સાબરમતી-વેરાવળ વંદે ભારત (Vande Bharat) એક્સપ્રેસ (ટ્રેન નં. 29601-02) ના રૂટમાં રેલવે બોર્ડ દ્વારા એક ક્રાંતિકારી અને મોટો ફેરફાર કરવાનો સત્તાવાર નિર્ણય લેવામાં આવ્યો છે. અત્યાર સુધી આ પ્રીમિયમ ટ્રેન વાંકાનેર અને રાજકોટ થઈને દોડતી હતી, પરંતુ હવે તેના રૂટમાંથી સૌરાષ્ટ્રના આ મોટા રેલવે સ્ટેશનોની બાદબાકી કરી દેવામાં આવી છે અને તેને એક તદ્દન નવા ટ્રેક પર દોડાવવાની મંજૂરી આપી દેવાઈ છે.

રાજકોટ-સુરેન્દ્રનગર આઉટ

હાલના રૂટ મુજબ આ વંદે ભારત ટ્રેન(Vande Bharat) સાબરમતીથી ઉપડીને વિરમગામ, સુરેન્દ્રનગર, વાંકાનેર, રાજકોટ અને જેતલસર થઈને જૂનાગઢ અને વેરાવળ પહોંચતી હતી. રેલવે બોર્ડના નવા આદેશ અનુસાર, હવે આ જૂના રૂટના તમામ કોમર્શિયલ સ્ટોપેજ રદ કરી દેવાશે.

નવો જાહેર થયેલો રૂટ: હવે આ ટ્રેન સાબરમતીથી ઉપડીને ગાંધીગ્રામ, ધોળકા, ધંધુકા, બોટાદ, ધોળા, ઢસા અને જૂનાગઢ થઈને વેરાવળ જશે. આ ફેરફારના કારણે ધોળકા, ધંધુકા અને બોટાદ જેવા વિસ્તારોના લોકોને પહેલીવાર સેમી-હાઈસ્પીડ વંદે ભારત ટ્રેન સેવાનો સીધો લાભ મળશે.

Vande Bharat નું નવું ટાઈમ ટેબલ 

રેલવે બોર્ડ દ્વારા નવા રૂટની સાથે ટ્રેનનો (Vande Bharat)નવો સમય પણ જાહેર કરી દેવામાં આવ્યો છે:

ટ્રેન નં. 24901 (સાબરમતી થી વેરાવળ): આ ટ્રેન સાબરમતી સ્ટેશનથી સવારે 06:00 કલાકે ઉપડશે અને નવા રૂટ થઈને બપોરે 12:50 કલાકે વેરાવળ પહોંચાડી દેશે.

ટ્રેન નં. 29602 (વેરાવળ થી સાબરમતી): રીટર્ન જર્નીમાં આ ટ્રેન વેરાવળથી બપોરે 03:50 કલાકે ઉપડશે અને રાત્રે 10:25 કલાકે સાબરમતી પરત પહોંચશે.

ક્યારથી લાગુ થશે નવો નિયમ?

રેલવે બોર્ડના જણાવ્યા મુજબ, આ નવો રૂટ એડવાન્સ રિઝર્વેશન પિરિયડ (ARP) અથવા ‘નો બુકિંગ‘ તારીખમાંથી જે પણ વહેલી હશે તે દિવસથી જ અમલમાં આવી જશે. જોકે, આ નવા રૂટ પર ટ્રેન કઈ ચોક્કસ તારીખથી દોડવાનું શરૂ કરશે તેની રેલવે પ્રશાસન દ્વારા આગામી દિવસોમાં સત્તાવાર જાહેરાત કરવામાં આવશે.

આ પણ વાંચો:ગુજરાતને મળી છઠ્ઠી વંદે ભારત એક્સપ્રેસ

આ પણ વાંચો:અમદાવાદ–ઉદયપુર વચ્ચે દોડશે વંદે ભારત એક્સપ્રેસ, ફક્ત દોઢ કલાકમાં પહોંચશે લેક સિટી

આ પણ વાંચો:ગુજરાતને મળી નવી રેલ સૌગાત: અસારવા–ઉદયપુર સિટી વંદે ભારત એક્સપ્રેસનો શુભારંભ