Seeds For Glowing Skin: આજકાલ બજારમાં મળતા મોંઘા સ્કિનકેર પ્રોડક્ટ્સ, મોઇશ્ચરાઇઝર ક્રીમ અને સીરમ પાછળ હજારો રૂપિયા ખર્ચવા છતાં ચહેરા પર એ અસલી ગ્લો નથી આવતો. તેનું મુખ્ય કારણ એ છે કે ત્વચાની અસલી ચમક માત્ર બહારથી પ્રોડક્ટ્સ લગાવવાથી નહીં, પરંતુ શરીરને અંદરથી મળતા શુદ્ધ પોષણથી આવે છે. હેલ્થ એક્સપર્ટ્સના મતે, કોઈ એકાદ સુપરફૂડ રાતોરાત ચમત્કાર નથી કરતું, પરંતુ જો તમે તમારા નિયમિત આહારમાં પૌષ્ટિક બીજ (Seeds) નો સમાવેશ કરો, તો તે ત્વચાને કુદરતી મોઇશ્ચર, હેલ્ધી ફૅટ્સ, એન્ટીઑક્સિડન્ટ્સ, ઓમેગા-3 અને ઝિંક જેવા તમામ જરૂરી તત્વો પૂરા પાડે છે. હેલ્ધી અને ગ્લોઇંગ સ્કિન માટે કયા 8 સીડ્સ બેસ્ટ છે, ચાલો જાણીએ.

ત્વચા માટે પાવરહાઉસ સમાન 8 પૌષ્ટિક સીડ્સ

કદુના બીજ

કદુના બીજ એટલે કે પમ્પકિન સીડ્સ(Pumpkin Seeds) ઝિંક (Zinc) નો ઉત્તમ સ્ત્રોત માનવામાં આવે છે. ઝિંક ત્વચાના ડેમેજ સેલ્સને કુદરતી રીતે રિપેર કરવામાં ખૂબ મદદરૂપ થાય છે. હેલ્ધી સ્કિન માટે આ એક સુપરફૂડ છે, જેને તમે સાંજના નાસ્તામાં, સલાડમાં અથવા તો સવારની હેલ્ધી સ્મૂધીમાં ઉમેરીને ખાઈ શકો છો.

ચિયા અને અળસીના બીજ

ચિયા સીડ્સ અને અળસીના બીજ(Chia and Flax Seeds) ઓમેગા-3 ફેટી એસિડથી (Omega-3 Fatty Acids) ભરપૂર હોય છે. આ બંને બીજ ત્વચાનું કુદરતી મોઇશ્ચર જાળવી રાખવામાં અને ડ્રાયનેસ (રૂખાપણું) દૂર કરવામાં રામબાણ ઈલાજ સાબિત થાય છે. તેને પાણીમાં પલાળીને, દહીં, ઓટ્સ કે સ્મૂધીમાં મિક્સ કરીને ખાઈ શકાય છે.

સૂર્યમુખીના બીજ

સૂર્યમુખીના બીજમાં વિટામિન E અને એન્ટીઑક્સિડન્ટ ગુણો પ્રચંડ માત્રામાં જોવા મળે છે. તે ત્વચાને ફ્રી રેડિકલ્સથી થતા નુકસાન, પ્રદૂષણ અને ઓક્સિડેટીવ સ્ટ્રેસ સામે ઢાલ બનીને રક્ષણ આપે છે, જેથી ચેહરા પર વહેલી કરચલીઓ પડતી નથી.

તલ અને હેમ્પ સીડ્સ(Seeds)

તલ અને હેમ્પ સીડ્સ (Seeds)(ભાંગના બીજ) હેલ્ધી ફૅટ્સ, કેલ્શિયમ, પ્રોટીન અને એન્ટીઑક્સિડન્ટ્સનું પાવરહાઉસ છે. ત્વચાની ચમક વધારવાની સાથે સાથે લાંબા, કાળા અને ઘટ્ટ વાળની સુંદરતા માટે આ બીજ આશીર્વાદરૂપ માનવામાં આવે છે. તેને સરળતાથી સલાડ પર અથવા રોટલી કે શાકના વઘારમાં વાપરી શકાય છે.

અનાર અને તડબૂચના બીજ

અનાર (દાડમ) ના દાણામાં પૉલીફેનોલ્સ જોવા મળે છે, જ્યારે તડબૂચના બીજ (Seeds) મેગ્નેશિયમ અને ઝિંકનો શ્રેષ્ઠ સ્ત્રોત છે. ખાસ કરીને ગરમીની સીઝનમાં આ બંને વિકલ્પો સ્વાદ અને એન્ટી-એજિંગ પોષણનું અદભુત મિશ્રણ પૂરું પાડે છે. તે શરીરને જરૂરી એવા સૂક્ષ્મ પોષકતત્વો (Micro-nutrients) આપીને ત્વચાને અંદરથી એકદમ કાચ જેવી સાફ અને ગ્લોઇંગ રાખે છે.

આ પણ વાંચો:સવારે જાગતા જ ગરદન-પીઠમાં થાય છે દુખાવો? તમારી ઊંઘવાની આ ભૂલ હોઈ શકે છે જવાબદાર