કોન્ટ્રોવર્સી ક્વીન તરીકે લોકપ્રિય રહેલી રાખી સાવંતે તાજેતરમાં તેના બોયફ્રેન્ડનો ખુલાસો કરીને ચાહકોને ચોંકાવી દીધા હતા. તેણીનો દાવો છે કે તે આદિલ દુર્રાની નામના બિઝનેસમેનને ડેટ કરી રહી છે. હવે રાખીએ એક ઈન્ટરવ્યુમાં આદિલ વિશે વધુ વિગતો શેર કરી છે. તેના કહેવા મુજબ આદિલ ઉંમરમાં તેના કરતા 6 વર્ષ નાનો છે. તે એમ પણ કહે છે કે આદિલના પરિવારે તેને હજુ સુધી સ્વીકારી નથી.
શું કહ્યું રાખી સાવંતે?
રાખી આદિલ પહેલા રિતેશ સિંહ નામના એક વ્યક્તિને ડેટ કરતી હતી, જેને તે તેના પતિ કહેતી હતી. ટાઈમ્સ ઑફ ઈન્ડિયા સાથેની વાતચીતમાં રાખીએ કહ્યું, “મને લાગે છે કે ભગવાને આદિલને મારા માટે મોકલ્યો છે. રિતેશ સાથેના બ્રેકઅપ પછી હું ડિપ્રેશનમાં જતી રહી. કંઈ જ સારું લાગતું ન હતું. આદિલ મારા જીવનમાં આવ્યો અને એક મહિનાની અંદર મને પહેલીવાર તેણે પ્રપોઝ કર્યું. હું તેના કરતા 6 વર્ષ મોટી છું. સાચું કહું તો હું તૈયાર નહતી. પણ તેણે મને મલાઈકા અરોરા-અર્જુન કપૂર અને પ્રિયંકા ચોપરા- નિક જોનાસનું ઉદાહરણ આપ્યું. તેણે મને કહ્યું કે તે મને ખૂબ પ્રેમ કરે છે. હું તેના પ્રેમમાં પડી ગઈ છું.”
રાખીએ વધુમાં જણાવ્યું હતું કે આદિલના પરિવારજનોએ સંબંધનો સ્વીકાર ન કર્યો હોવાને કારણે તે મૂંઝવણમાં છે. તે કહે છે, “હું ફિલ્મ અને ટીવી ઈન્ડસ્ટ્રીમાં ખૂબ જ ગ્લેમરસ વ્યક્તિ છું. તેના પરિવારને મારી ડ્રેસિંગ સેન્સ પસંદ નથી. પરંતુ જરૂર પડ્યે હું મારી જાતને બદલવા માટે તૈયાર છું. તેના તરફથી કોઈ મારા પર મારી જાતને બદલવા માટે દબાણ નથી કરી રહ્યું. તેને ચારે બાજુથી ત્રાસ આપવામાં આવી રહ્યો છે. હું ડરી ગઈ છું. મને ભાગ્યે જ પ્રેમ મળે છે. આશા છે કે તેનો પરિવાર મને સ્વીકારશે.”
હાલમાં જ રાખી સાવંતે એક ઈવેન્ટ દરમિયાન પાપારાઝીને તેના અને આદિલના સંબંધો વિશે જણાવ્યું હતું. તેણે શરમાતા કહ્યું, “આદિલ મૈસુરનો રહેવાસી છે. રિતેશથી અલગ થયા પછી હું ડિપ્રેશનમાં હતી. ભગવાને મને ખૂબ પ્રેમ કર્યો. આદિલ મને મળ્યો. તેણે BMW કાર ગિફ્ટ કરતી વખતે મને પ્રપોઝ કર્યું. જો કોઈ છોડી જાય તો શા માટે ઉદાસ થાઓ. આદિલ ખૂબ જ સરસ, વફાદાર અને અદ્ભુત વ્યક્તિ છે.”
‘બિગ બોસ 16’માં થઈ શકે છે એન્ટ્રી
રાખીએ સોશિયલ મીડિયા પર એક વીડિયો પણ શેર કર્યો અને આદિલ વિશે જણાવ્યું. તેણે વીડિયોના કેપ્શનમાં લખ્યું છે કે, મારી પ્રિયતમ, મારી જિંદગી. વીડિયોમાં તે કહી રહી હતી કે આદિલ અને તે બિગ બોસની આગામી સિઝનમાં સાથે આવવાના છે. તેણે એ પણ જણાવ્યું હતું કે ગયા મહિને આદિલ અને તેની બહેને તેને BMW કાર ગિફ્ટ કરી હતી.
અગાઉ 14 ફેબ્રુઆરીએ રાખી સાવંતે સોશિયલ મીડિયા પર પતિ રિતેશ સિંહ સાથે અલગ થવાની જાહેરાત કરી હતી. તેણે ‘બિગ બોસ 15’ દરમિયાન રિતેશ સિંહને દુનિયા સાથે પરિચય કરાવ્યો હતો અને તેને તેનો પતિ કહ્યો હતો.
આ પણ વાંચો:સાઉથ VS બોલિવૂડ પર બોલી શિલ્પા શેટ્ટી, ‘સાઉથની ફિલ્મો ચાલે છે કારણ કે…’
આ પણ વાંચો:સુઝૈન ખાન બોયફ્રેન્ડ અર્સલાન ગોનીની બાહોમાં મળી જોવા, ચાહકોએ કહ્યું આવુ
