મસ્જિદોમાં મહિલાઓના પ્રવેશને લઈને ઓલ ઇન્ડિયા મુલસીલ પર્સનલ લો બોર્ડ (એઆઈએમપીએલબી) એ સુપ્રીમ કોર્ટમાં જવાબ આપ્યો છે. એઆઈએમપીએલબીએ કહ્યું છે કે મસ્જિદની અંદર મહિલાઓને નમાઝ અદા કરવાની છૂટ છે. એઆઈએમપીએલબીએ કહ્યું કે મુસ્લિમ મહિલા નમાઝ માટે મસ્જિદમાં પ્રવેશ કરવા માટે સ્વતંત્ર છે. મુસ્લિમ પર્સનલ લો બોર્ડે કહ્યું કે કોઈ પણ એક ધર્મની ધાર્મિક રીત બાબતે પૂછપરછ કરવાની છૂટ ન આપવી જોઈએ.
મુસ્લિમ પર્સનલ લો બોર્ડે એમ પણ ઉમેર્યું હતું કે મહિલાઓએ નમાઝ એટલે કે સમૂહ પ્રાર્થના અથવા જમાત સાથે સમૂહ પ્રાર્થનામાં જોડાવું ફરજિયાત નથી. મસ્જિદમાં પ્રવેશ કરવા અને દરેકની સાથે નમાઝ પઢવા માંગતી બે મુસ્લિમ મહિલાઓ દ્વારા દાખલ કરવામાં આવેલી અરજીના જવાબમાં બોર્ડે આ સોગંદનામું આપ્યું છે . સુપ્રીમ કોર્ટે આ અરજી પર ઓલ ઈન્ડિયા મુસ્લિમ પર્સનલ લો બોર્ડને નોટિસ ફટકારી છે અને અરજીમાં ઉભા થયેલા મુદ્દાઓ પર જવાબ આપવા કહ્યું છે.
હકીકતમાં સુપ્રીમ કોર્ટે 28 સપ્ટેમ્બર 2018 ના રોજ સબરીમાલા મંદિરમાં દરેક વય જૂથની મહિલાઓને પ્રવેશ આપવાનો આદેશ આપ્યો હતો. કોર્ટે મંદિરમાં 10 થી 50 વર્ષની મહિલાઓના પ્રવેશ પરના પ્રતિબંધને લિંગ ભેદભાવ ગણાવ્યો હતો. આ આધારે, યાસ્મિન અને ઝુબૈરે સર્વોચ્ચ અદાલતમાં અરજી કરી હતી અને મહિલાઓને મસ્જિદોમાં જવાની અને નમાઝ પ્રદાન કરવાની મંજૂરીની માંગ કરવામાં આવી હતી. પિટિશન પ્રમાણે મહિલાઓ હાલમાં ભારતમાં જમાત-એ-ઇસ્લામી સંસ્થા હેઠળ મસ્જિદોમાં પ્રવેશી શકે છે, પરંતુ સુન્ની સહિત અન્ય સંપ્રદાયોની મસ્જિદોમાં આના પર પ્રતિબંધો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
