Health & Fitness News : ઘણા લોકોને બપોરે કે રાત્રે પેટભરીને જમ્યા પછી ભારે સુસ્તી, આળસ અને ઊંઘ આવવા લાગે(SleepyAfterEating) છે, જેને સામાન્ય ભાષામાં ‘ફૂડ કોમા’ (Food Coma) તરીકે પણ ઓળખવામાં આવે છે. ક્યારેક આ સ્થિતિ તમારી રોજિંદી કાર્યક્ષમતા અને ઓફિસના કામકાજને પણ પ્રભાવિત કરવા લાગે છે. આહાર લીધા પછી આરામ કરવાનું મન થવું કે સુસ્તી આવવી તે શરીરની એક સામાન્ય પ્રક્રિયા હોઈ શકે છે, પરંતુ દરેક વ્યક્તિમાં તેની પાછળના કારણો જુદા જુદા હોઈ શકે છે. જમ્યા પછી શરીરમાં આવતી આ આળસ પાછળ કયા પરિબળો જવાબદાર છે અને તેને કેવી રીતે નિયંત્રિત કરી શકાય (HealthTips ), તે સમજવું ખૂબ જ જરૂરી છે.

SleepyAfterEating: ખોરાકની માત્રા અને ન્યુટ્રિઅન્ટ્સ (પોષક તત્વો)

ભોજન બાદ આવતી ઊંઘનું (FoodComa )મુખ્ય કારણ તમારો આહાર અને તેમાં રહેલા પોષક તત્વો છે.ભાત, બ્રેડ, પાસ્તા અને બટાકા જેવા વધુ કાર્બોહાઈડ્રેટ ધરાવતા ખોરાક (Carbohydrate-rich foods)ખાવાથી શરીરમાં બ્લડ સુગર અને ઇન્સ્યુલિનના સ્તરમાં ઝડપી ફેરફારો થાય છે, જેનાથી શરીર સુસ્ત બને છે.કઠોળ, ઈંડા અને પનીર જેવા પ્રોટીનયુક્ત ખોરાકમાં ‘ટ્રિપ્ટોફન’ (Tryptophan) નામનું એમિનો એસિડ હોય છે. તે શરીરમાં સેરોટોનિન અને મેલાટોનિન જેવા હોર્મોન્સ ઉત્પન્ન કરે છે, જે આરામ અને ઊંઘ લાવવા માટે જવાબદાર છે.

વધુ પડતું ભોજન અને પાચનમાં વપરાતી ઉર્જા

જ્યારે આપણે એકસાથે વધુ માત્રામાં અથવા ભારે ખોરાક લઈએ છીએ, ત્યારે તેને પચાવવા માટે પાચનતંત્ર તરફ રક્તનો પ્રવાહ વધી જાય છે. પરિણામે, શરીરની મોટાભાગની ઊર્જા પાચનક્રિયામાં રોકાઈ જવાથી મગજ અને બાકીના શરીરને ભારેપણું તેમજ થાકનો અનુભવ થાય છે. આ ઉપરાંત, જો રાત્રે પૂરતી ઊંઘ ન લીધી હોય, તો બપોરે જમ્યા પછી સુસ્તી બમણી થઈ જાય છે.

જમ્યા પછીની સુસ્તી અને આળસ દૂર કરવાના સરળ ઉપાયો

એકસાથે ભારે ભોજન લેવાને બદલે થોડા થોડા સમયાંતરે હળવો આહાર લો. તમારા થાળીમાં શાકભાજી, આખા અનાજ અને કઠોળનું પ્રમાણ જાળવો.વધુ પડતી શુગર અને પ્રોસેસ્ડ ફૂડ ખાવાનું ટાળો, કારણ કે તે બ્લડ સુગરમાં ઉછાળો લાવીને બાદમાં ડાઉન કરી દે છે.ભોજન કર્યા પછી તરત સોફા કે બેડ પર સોફા પર બેસી જવાને બદલે 10 થી 15 મિનિટ હળવી વોક (ચાલવું) કરો અને દિવસભર પૂરતું પાણી પીવો.

ડૉક્ટરની સલાહ ક્યારે લેવી?

જો તમામ સુધારા કરવા છતાં પણ તમને દરરોજ અતિશય ઊંઘ આવતી હોય અને આખો દિવસ થાક અનુભવાતો હોય, તો ડાયાબિટીસ કે થાઇરોઇડ જેવી સ્થિતિ તપાસવા માટે તબીબી સલાહ લેવી હિતાવહ છે.

આ પણ વાંચો : કાળા થઈ ગયેલા ઘૂંટણ અને કોણી મિનિટોમાં ચમકશે; અજમાવો આ 2 સરળ દેશી ઉપાયો

આ પણ વાંચો : ચહેરા અને હાથ-પગ પરનું સન ટેનિંગ મિનિટોમાં થશે ગાયબ; રસોડામાં રહેલી આ બે વસ્તુઓથી મળશે નિખાર

આ પણ વાંચો : તમે જે પનીર ખાઈ રહ્યા છો તેમાં ડિટર્જન્ટની ભેળસેળ તો નથી ને? આ રીતે ઘરે જ કરો સરળ ચકાસણી