New Delhi News : દિલ્હી (Delhi)ની સફદરજંગ હોસ્પિટલ (Safdarjung Hospital,)માં સારવાર હેઠળ રહેલા જાણીતા સામાજિક કાર્યકર્તા સોનમ વાંગચુકે (Sonam Wangchuk) હોસ્પિટલ પ્રશાસનને પત્ર લખીને થોડા સમય માટે રજા આપવાની વિનંતી કરી છે. તેમણે જણાવ્યું છે કે તેઓ આજે યોજાનારી ‘સાંસદ ચલો’ (સંસદ માર્ચ)માં ભાગ લેવા માંગે છે અને આ માટે હોસ્પિટલમાંથી બહાર જવાની મંજૂરી આપવા વિનંતી કરી છે.
હોસ્પિટલને લખેલા પત્રમાં સોનમ વાંગચુકે (Sonam Wangchuk)જણાવ્યું કે તેમની તબિયત હાલમાં સારી છે અને તમામ સ્વાસ્થ્ય પરિમાણો સામાન્ય છે. તેથી તેઓ થોડા સમય માટે હોસ્પિટલ છોડીને સંસદ માર્ચમાં જોડાવા ઇચ્છે છે. તેમણે હોસ્પિટલ વહીવટીતંત્રને આ માટે જરૂરી મંજૂરી આપવાની અપીલ કરી છે.
સોનમ વાંગચુકે આ પત્ર પોતાના સત્તાવાર સોશિયલ મીડિયા એકાઉન્ટ પર પણ શેર કર્યો છે. પોસ્ટમાં જણાવવામાં આવ્યું છે કે તેઓ લોકોને મળવા અને સંસદ માર્ચમાં જોડાવા માટે સતત પ્રયાસ કરી રહ્યા છે. સાથે જ એવો પ્રશ્ન પણ ઉઠાવવામાં આવ્યો છે કે જો હોસ્પિટલનું કહેવું છે કે તેઓ કસ્ટડીમાં નથી અને તેમની તબિયત પણ સારી છે, તો તેમના પર પ્રતિબંધો શા માટે લાદવામાં આવી રહ્યા છે.
સોનમ વાંગચુકના આ પત્ર બાદ સોશિયલ મીડિયા પર પણ ચર્ચા તેજ બની છે. હવે હોસ્પિટલ પ્રશાસન તેમની અરજી પર શું નિર્ણય લે છે તેના પર સૌની નજર છે.
