જકાર્તા,
ઇન્ડોનેશિયામાં રમાઈ રહેલા ૧૮માં એશિયન ગેમ્સમાં ગુરુવારે ભારતના ખાતામાં વધુ ૧ મેડલનો વધારો થયો છે. ભારતની મહિલા ટેનિસ ખેલાડી અંકિતા રૈનાએ બ્રોન્ઝ મેડલ હાંસલ કર્યો છે. મહિલા ટેનિસના સિંગલ મુકાબલાની સેમીફાઈનલમાં રૈનાનો ચીનની ખેલાડી સામે હારનો સામનો કરવો પડ્યો છે.
આ ઉપરાંત ટ્રેપ ઇવેન્ટમાં શાર્દુલ વિહાને મેન્સ ડબલ્સ ટ્રેપ ઇવેન્ટમાં સિલ્વર મેડલ જીત્યો છે.
ગુરુવારે ટેનિસના સિંગલ મુકાબલાની સેમીફાઈનલમાં ચીનની ખેલાડી શુઆઈ જૈંગે ભારતની અંકિતા રૈનાને ૬-૪, ૭-૬થી હરાવી હતી.
જયારે ટેનિસના મેન્સ મિક્સના સેમીફાઈનલ મુકાબલામાં ભારતના રોહન બોપન્ના અને દિવિ શરણની જોડીએ ત્રણ સેતોના મુકાબલામાં ૬-૪, ૬-૩, ૧૦-૮ થી જાપાનની જોડીને હરાવી ફાઈનલમાં જગ્યા બનાવી છે.
આ મેડલ સાથે એશિયન ગેમ્સમાં અત્યારસુધીમાં ભારતે પોતાના ખાતામાં કુલ ૧૭ મેડલ મેળવ્યા છે, જેમાં ૪ ગોલ્ડ, ૪ સિલ્વર અને ૯ બ્રોન્ઝ મેડલ સાથે પોઈન્ટ ટેબલમાં ૯માં સ્થાન પર છે.
બીજી બાજુ તીરંદાજીના મહિલા સિંગલ મુકાબલામાં ભારતની દીપિકા કુમારી ચીની તાઇપેની ચેઈન યીંગ લી સામે ૩-૭થી હારીને બહાર થઇ ગઈ છે.
આ પહેલા એશિયન ગેમ્સના ચોથા દિવસે બુધવારે ભારતીય હોકી ટીમે હોંગકોંગની ટીમને ૨૬-૦ થી ધૂળ ચટાડી દીધી હતી અને ૮૬ વર્ષનો રેકોર્ડ તોડ્યો હતો, આ ઉપરાંત શૂટિંગ ઇવેન્ટમાંભારતીય ખેલાડી રાહી સરનોબતે ગોલ્ડ મેડલ જીત્યો હતો.
