શ્રીલંકાએ મંગળવારે કોલંબોમાં ત્રીજી વન-ડેમાં દક્ષિણ આફ્રિકાને 78 રનથી હરાવીને સીરીઝ 2-1થી જીતી લીધી છે. ચરિત અસલાન્કા અને તેના સ્પિનરોની ઓલરાઉન્ડ પ્રદર્શને આ જીતમાં ભૂમિકા ભજવી હતી. શ્રીલંકાને છેલ્લી વનડે સીરીઝમાં જીત ગયા વર્ષે માર્ચમાં વેસ્ટ ઇન્ડીઝ સામે મળી હતી.
આ પણ વાંચો – અફઘાનિસ્તાન સંકટ / તાબિલાનનાં ચીન સાથે કેવા રહેશે સંબંધ, જાણો અમેરિકન રાષ્ટ્રપતિએ શું કહ્યુ?
વરસાદથી પ્રભાવિત મેચમાં શ્રીલંકાએ ચરિત અસલાન્કાની 47 રનની ઈનિંગને કારણે નિર્ધારિત 50 ઓવરમાં નવ વિકેટ ગુમાવી 203 રન બનાવ્યા હતા. જવાબમાં સાઉથ આફ્રિકાનાં બેટ્સમેનો નિરાશ થયા હતા અને મુલાકાતીઓની પૂરી ટીમ 125 રનમાં ઓલઆઉટ થઈ ગઈ હતી. 204 રનનાં નાના લક્ષ્યનો બચાવ કરતા શ્રીલંકાનાં સ્પિનર ફરી એકવાર બચાવની ભૂમિકામાં હતા અને પ્રોટિયાજે 30 ઓવરમાં 125 રન પર આઉટ કરી 18 મહિનામાં પોતાની પ્રથમ વનડે સીરીઝ જીતી લીધી. મહેશ તીક્ષાના 37 રન આપીને 4 વિકેટ સાથે સૌથી સફળ બોલર રહ્યો હતો, જ્યારે વનિંદુ હસરંગા અને દુષ્મંથા ચમીરાએ બે -બે વિકેટ લીધી હતી. શ્રીલંકાનાં કેપ્ટન દાસુન શનાકાએ કહ્યું, “તે અઘરું રહ્યું છે, અમે છેલ્લા કેટલાક વર્ષોથી ઘરઆંગણે સીરીઝ જીતી નથી તેથી તે ઘણું મહત્વ ધરાવે છે. છોકરાઓએ ખરેખર સારી રમત બતાવી છે, તેથી આશા છે કે આવનારા સમયમાં ઘણી સીરીઝ જીતીશું.
આ પણ વાંચો – IND vs ENG / ચોથી ટેસ્ટનું પુનરાવર્તન ન થાય તે માટે ઈંગ્લેન્ડે અંતિમ ટેસ્ટ માટે ટીમમાં કર્યો મોટો ફેરફાર
“અમે જાણતા હતા કે ટોસ રમતમાં મુખ્ય ભૂમિકા ભજવશે તેથી ટોસ જીતીને મેચ પર સારી અસર પડશે. પહેલા મને લાગ્યું કે આ પિચ પર 230 એક આદર્શ સ્કોર રહેશે, પરંતુ 200 પણ ખૂબ સારો સાબિત થયો.” “તેમણે તીક્ષણાનાં વખાણ કરતા કહ્યુ કે, તે અમારો ટ્રમ્પ કાર્ડ હતો. તે વધુ એક ટી 20 બોલર છે, પરંતુ મેં તેનો આ મેચમાં સમજદારીથી ઉપયોગ કર્યો. તેની આગળ વધવાની પૂરી સંભાવના છે.” આ પહેલા શ્રીલંકાએ ચૈરિથ અસલાન્કા (47), ધનંજય ડી સિલ્વા (31) અને દુષ્મંથા ચમીરા (29) સાથે પ્રથમ બેટિંગ કરવાનું પસંદ કરતા 9 વિકેટે 203 રન બનાવ્યા હતા. તે ઉમેરે છે કે, “મને લાગે છે કે બોલરોએ ખરેખર સારું કામ કર્યું છે. હા તે ધીમું અને ટર્નિંગ હતું પરંતુ છોકરાઓએ સારું પ્રદર્શન કર્યું. સ્વાભાવિક છે કે બેટિંગ યોજના મુજબ ચાલતી ન હોતી, પરંતુ શ્રીલંકાને સંપૂર્ણ શ્રેય આપવામાં આવ્યો છે.” કેશવ મહારાજે, જેણે મેચમાં 3 વિકેટ લીધી હતી અને છેલ્લી બે વનડેમાં દક્ષિણ આફ્રિકાનું નેતૃત્વ કર્યું હતું, તેણે કહ્યું, “અમને અમારા કેટલાક વરિષ્ઠ ખેલાડીઓ ટી 20 માં પરત મળ્યા છે તેથી આશા છે કે આ અમને જરૂરી પ્રોત્સાહન આપશે.” શ્રીલંકા અને દક્ષિણ આફ્રિકા હવે 10 સપ્ટેમ્બરથી કોલંબોમાં 3 ટી 20 મેચની સીરીઝ રમશે.
