ઓસ્ટ્રેલિયાનાં સ્ટાર બેટ્સમેન અને પૂર્વ કેપ્ટન સ્ટીવ સ્મિથ ગુરુવારે મેલબોર્નની એક હોટલમાં લિફ્ટમાં ફસાઈ ગયો હતો. તે લગભગ એક કલાક સુધી લિફ્ટમાં ફસાયેલો રહ્યો. સ્મિથ અને તેના સાથી બેટ્સમેન માર્નસ લાબુશેને પણ લિફ્ટમાંથી નિકળવા માટે ઈન્સ્ટાગ્રામ પર ઘટનાને લાઈવ-સ્ટ્રીમ કરી હતી.
આ પણ વાંચો – ખુલાસો / ક્રિસ્ટિયાનો રોનાલ્ડોની પાર્ટનર જ્યોર્જીના રોડ્રિગ્ઝ OTT પ્લેટફોર્મ પર ખોલશે જીવનનાં ઘણા રહસ્ય
સળિયાની મદદથી લિફ્ટનો દરવાજો ખોલવાનો પ્રયાસ કરતી વખતે લાબુશેને સ્મિથને કેટલીક ચોકલેટ પણ આપી. ત્યારબાદ તે હોટલમાં ટેકનિશિયનની મદદની રાહ જોઈ રહ્યો હતો. વળી, સ્મિથે આ સમગ્ર ઘટનાને તેની ઇન્સ્ટાગ્રામ સ્ટોરી પર શેર કરી હતી. સ્મિથે ઈન્સ્ટાગ્રામ સ્ટોરીમાં કહ્યું, ‘હું મારા ગંતવ્ય પર છું. હું અહીં ઉભો છું પણ દરવાજા ખુલતા નથી. દેખીતી રીતે તે કામ કરતું નથી. મેં દરવાજો ખોલવાનો પ્રયત્ન કર્યો. મેં આ બાજુ ખોલી દીધી છે, બીજી બાજુ માર્નસ (લાબુશેન) તેને ખોલવાનો પ્રયાસ કરી રહ્યો છે, કોઈ ફાયદો થયો નથી. સાચું કહું તો, જે સાંજ માટે મેં કલ્પના કરી હતી તે આવી નહોતી. જ્યારે ટેકનિશિયન આખરે દરવાજો ખોલવામાં સફળ થયો અને સ્મિથ બહાર આવ્યો, ત્યારે ઓસ્ટ્રેલિયન ટીમનાં તેના સાથી ખેલાડીઓએ તાળીઓનાં ગડગડાટથી તેનું સ્વાગત કર્યું. હાલમાં ટીમના વાઈસ કેપ્ટન સ્મિથે આગળ લખ્યું, ‘હું સેફ રૂમમાં પહોંચી ગયો છું. અંતે લિફ્ટમાંથી બહાર નીકળ્યો. તે ચોક્કસપણે એક અનુભવ હતો. તે 55 મિનિટ હું કદાચ ક્યારેય પાછો નહીં મેળવી શકું.’
આ પણ વાંચો – Ross Taylor Retirement / રોસ ટેલર બાંગ્લાદેશ અને ઓસ્ટ્રેલિયા સામેની શ્રેણી બાદ આંતરરાષ્ટ્રીય ક્રિકેટમાંથી નિવૃત્તિ લેશે …
નોંધનીય છે કે, એશીઝ સીરીઝમાં અત્યાર સુધી ઓસ્ટ્રેલિયાનું પ્રદર્શન જબરદસ્ત રહ્યું છે. તેણે અત્યાર સુધી રમાયેલી ત્રણેય ટેસ્ટ મેચોમાં ઈંગ્લેન્ડને હરાવ્યું છે. પાંચ મેચની એશીઝ સીરીઝમાં ઓસ્ટ્રેલિયા 3-0થી આગળ છે. એશીઝ પર 2015થી ઓસ્ટ્રેલિયાનો કબ્જો છે. હાલમાં ચાલી રહેલી એશીઝ સીરીઝમાં સ્મિથે 3 ટેસ્ટમાં 4 ઇનિંગ્સ રમીને 127 રન બનાવ્યા છે. તેણે એડિલેડમાં 93 રનની શાનદાર ઇનિંગ રમી હતી.
