ઓસ્ટ્રેલિયાના મિડલ ઓર્ડર બેટ્સમેન સ્ટીવ સ્મિથે ગુરુવારે ભારત સામે WTC ફાઈનલના બીજા દિવસે તેની 31મી ટેસ્ટ સદી ફટકારી હતી. સ્મિથે સિરાજની ઇનિંગની 86મી ઓવરના ત્રીજા બોલ પર ચોગ્ગો ફટકારીને પોતાની સદી પૂરી કરી હતી. આ સાથે સ્ટીવ સ્મિથે અનેક રેકોર્ડ ધ્વસ્ત કર્યા છે.
જણાવી દઈએ કે સ્મિથે 229 બોલમાં 16 ચોગ્ગાની મદદથી પોતાની 31મી ટેસ્ટ સદી ફટકારી હતી. સ્મિથે ભારત સામે તેની 9મી ટેસ્ટ સદી ફટકારી હતી. જો કે, સ્મિથે ભારત સામે તેની 14મી આંતરરાષ્ટ્રીય સદી ફટકારી હતી. આવો તમને જણાવીએ કે સ્મિથે સદી પૂરી કરતાની સાથે જ કયા રેકોર્ડ બનાવ્યા
સ્ટીવ સ્મિથ ICC ટૂર્નામેન્ટની સેમી ફાઈનલ અને ફાઈનલમાં એક જ ટીમ સામે સદી ફટકારનાર વિશ્વનો પ્રથમ બેટ્સમેન બન્યો છે. સ્મિથે 2015 વર્લ્ડકપમાં ભારત સામેની સેમીફાઈનલ મેચમાં 105 રન બનાવ્યા હતા. હવે સ્મિથે WTC ફાઇનલમાં ભારત સામે સદી ફટકારી હતી.
સ્ટીવ સ્મિથ અને ટ્રેવિસ હેડ ICC ટુર્નામેન્ટની ફાઇનલમાં સદી ફટકારનાર એક જ ટીમની પ્રથમ જોડી બની. ટ્રેવિસ હેડ અને સ્ટીવ સ્મિથે ભારત સામે WTC ફાઇનલમાં સદી ફટકારી હતી.
સ્ટીવ સ્મિથ ઘરની બહાર સૌથી વધુ ટેસ્ટ સદી ફટકારનાર સક્રિય ખેલાડીઓમાં ટોચનો બેટ્સમેન બની ગયો છે. સ્મિથે ઘરની બહાર તેની 15મી ટેસ્ટ સદી ફટકારી હતી. તેણે ભારતના ભૂતપૂર્વ કેપ્ટન વિરાટ કોહલીને પાછળ છોડી દીધો, જેણે 14 સદી ફટકારી છે.
વિદેશની ધરતી પર સૌથી વધુ સદી ફટકારનારા પ્રવર્તમાન બેટ્સમેન
15 – સ્ટીવ સ્મિથ (Aus)
14 – વિરાટ કોહલી (ભારત)
12 – કેન વિલિયમસન (ન્યુઝીલેન્ડ)
12 – જો રૂટ (ઇંગ્લેન્ડ)
9 – ચેતેશ્વર પૂજારા (ભારત)
8 – અજિંક્ય રહાણે (ભારત)
ભારત અને ઓસ્ટ્રેલિયા વચ્ચે સૌથી વધુ ટેસ્ટ સદી ફટકારવામાં સ્ટીવ સ્મિથ સચિન તેંડુલકર પછી બીજા સ્થાને પહોંચી ગયો છે. સ્મિથે ભારત સામે તેની 9મી ટેસ્ટ સદી ફટકારી હતી.
ભારત અને ઓસ્ટ્રેલિયામાં સૌથી વધુ સદીઓ ધરાવનાર બેટ્સમેન
11 – સચિન તેંડુલકર
9* – સ્ટીવ સ્મિથ
8 – સુનીલ ગાવસ્કર
8 – વિરાટ કોહલી
8 – રિકી પોન્ટિંગ
ICC નોકઆઉટમાં સૌથી વધુ સદી ફટકારવાના મામલે સ્ટીવ સ્મિથ સંયુક્ત બીજા સ્થાને પહોંચી ગયો છે. સ્મિથે ICC નોકઆઉટ મેચમાં પોતાની બીજી સદી ફટકારી હતી.
આ પણ વાંચોઃ સગીરા પર બળાત્કાર/ ઘરમાં ઘૂસીને સગીર બાળકી પર બળાત્કાર ગુજાર્યો, હથોડી વડે મારી અને પછી તેને ફાંસીએ લટકાવી
આ પણ વાંચોઃ મંતવ્ય ન્યૂઝના અહેવાલની અસર/ 6 વર્ષની બાળકીને થાપાના ભાગે ડામ આપનાર આરોપી સહિત 3ની ધરપકડ, જાણો શું કહ્યું પોલીસે…
આ પણ વાંચોઃ Monsoon Update News/ મોડું પહોંચ્યું પણ મુશળધાર વરસાદ સાથે ભારતમાં આવી જ ગયું મોનસૂન, IMD એ કેરળ પહોંચવાની કરી જાહેરાત
