કેનિંગ્ટન ઓવલમાં રમાઈ રહેલી ઈંગ્લેન્ડ સામેની ચોથી ટેસ્ટનાં પાંચમા દિવસે રોહિત શર્મા અને ચેતેશ્વર પૂજારાની ગેરહાજરીને કારણે ટીમ ઈન્ડિયાને આંચકો લાગ્યો છે. 34 વર્ષનાં રોહિતને તેના ડાબા ઘૂંટણમાં તકલીફ છે અને તેથી તે બહાર બેશશે. વિદેશમાં પોતાની પ્રથમ ટેસ્ટ સદી ફટકાર્યા બાદ, વર્તમાન ટેસ્ટમાં રોહિતનું બેટથી કામ પૂર્ણ થઈ ગયું છે. તેણે બીજી ઇનિંગસમાં 127 રન બનાવ્યા હતા.
આ પણ વાંચો –IND vs ENG / વિરાટ કોહલીએ આઉટ થયા બાદ ડ્રેસિંગ રૂમનાં દરવાજા પર કાઢ્યો ગુસ્સો, Video
મેચમાં પુજારાનું કામ પણ એટલુ જ સારુ રહ્યુ જેટલું ઓવલમાં રહ્યું હતુ. પુજારાએ બીજી ઇનિગ્સમાં 61 રન બનાવ્યા હતા. ટોચનાં ક્રમનાં બેટ્સમેને ડાબા પગની ઘૂંટીમાં દુખાવાની ફરિયાદ કરી છે અને તેથી ટીમ મેનેજમેન્ટે તેને મેદાન પર લાવવાનું જોખમ નથી લીધું. રોહિત અને પૂજારા હાલમાં ભારતીય ક્રિકેટ કંટ્રોલ બોર્ડ (BCCI) ની મેડિકલ ટીમની દેખરેખ હેઠળ છે. તે જોવાનું રહ્યું કે તે પાંચમી અને અંતિમ ટેસ્ટ માટે ફિટ રહેશે કે નહીં. બીસીસીઆઈએ ટ્વિટ કર્યું, રોહિત શર્મા અને ચેતેશ્વર પૂજારા મેદાનમાં ઉતરશે નહીં. રોહિતને ડાબા ઘૂંટણમાં દુખાવો છે જ્યારે પૂજારાને ડાબા પગની ઘૂંટીમાં દુખાવો છે. બીસીસીઆઈની મેડિકલ ટીમ તેનું મૂલ્યાંકન કરી રહી છે.” પાંચ મેચની ટેસ્ટ સીરીઝની છેલ્લી મેચ 10 સપ્ટેમ્બરે ઓલ્ડ ટ્રેફોર્ડ, માન્ચેસ્ટરમાં રમાવાની છે. રોહિત ભારતની બેટિંગમાં મહત્વનો ખેલાડી રહ્યો છે કારણ કે તે સીરીઝમાં મુલાકાતીઓ માટે સૌથી વધુ રન બનાવનાર ખેલાડી છે. ઓવલમાં સદી ફટકાર્યા બાદ તેનો આત્મવિશ્વાસ આસમાને પહોંચ્યો હોવો જોઈએ. તે સીરીઝમાં અગ્રણી રન બનાવનારાઓની યાદીમાં જો રૂટ પછી બીજા ક્રમે છે. બીજી બાજુ પુજારા સીરીઝમાં બે અડધી સદી ફટકારીને પોતાનું ફોર્મ બતાવ્યું છે.
આ પણ વાંચો – IND vs ENG / અજિક્ય રહાણેનું ખરાબ ફોર્મ ટીમ માટે સંકટ, બેટિંગ કોચ રાઠોડ સમર્થનમાં ઉતર્યા
જ્યાં સુધી વર્તમાન ટેસ્ટનો સવાલ છે, તો હવે મેચનાં 5 માં દિવસે ત્રણેય પરિણામો સંભવિત દેખાઇ રહ્યા છે. અંતિમ દિવસે, ઈંગ્લેન્ડને જીતવા માટે 291 રનોની જરૂર છે અને 2-1ની અજેય લીડ લેવાની જરૂર છે. રોરી બર્ન્સ અને હસીબ હમીદે પ્રથમ વિકેટ માટે 77 રનની ભાગીદારી સાથે યજમાન ટીમ દ્વારા ઉભો કરવામાં આવેલા રનનો પીછો કર્યો છે. અગાઉ, રોહિતનાં 127 રનની મદદથી ભારતે ચોથી ઇનિંગમાં લક્ષ્યનો પીછો કરવા ઈંગ્લેન્ડને 368 રનનો લક્ષ્યાંક આપ્યો હતો. સીરીઝમાં અજિંક્ય રહાણેનું ખરાબ ફોર્મ ચાલુ રહ્યું છે, જે એક ચિંતાનો વિષય જરૂર બન્યો છે. વિરાટ કોહલીએ આ ઇનિગમાં 44 રન બનાવ્યા હતા, જ્યારે પહેલી ઇનિગમાં 50 નો સ્કોર મેળવવામાં સફળ રહ્યો હતો, જો કે તે બે વર્ષથી વધુ સમય પછી પણ સદી ફટકારી શક્યો નથી.
