Team India won Series: ભારત અને ન્યુઝીલેન્ડ વચ્ચે રમાયેલી ત્રીજી T20 મેચ ટાઈ રહી છે. વરસાદના કારણે મેચ રોકી દેવામાં આવી હતી. નેપિયરમાં સતત ભારે વરસાદને જોતા મેચ ટાઈ થઈ હતી. ન્યૂઝીલેન્ડનો સ્કોર 9 ઓવરમાં 75 રન હતો અને ટીમ ઈન્ડિયાનો સ્કોર પણ 9 ઓવરમાં 75 રન હતો, તેથી આ મેચનો નિર્ણય ડકવર્થ-લુઈસ નિયમ હેઠળ લેવામાં આવ્યો હતો. જણાવી દઈએ કે પ્રથમ ટી20 મેચ પણ વરસાદના કારણે ધોવાઈ ગઈ હતી. હાર્દિક પંડ્યાના નેતૃત્વમાં ભારતીય ટીમે શ્રેણી 1-0થી કબજે કરી લીધી છે.
આ મેચમાં કેન વિલિયમસનની કેપ્ટનશિપવાળી ટીમ સાઉથીએ ટોસ જીતીને પ્રથમ બેટિંગ કરવાનો નિર્ણય કર્યો હતો. પ્રથમ બેટિંગ કરતા ન્યુઝીલેન્ડની શરૂઆત ખરાબ રહી હતી. ફિન એલને 3 રન બનાવ્યા બાદ પોતાની વિકેટ ગુમાવી દીધી હતી. ન્યૂઝીલેન્ડ તરફથી ડેવોન કોનવેએ સૌથી વધુ 59 રનની ઇનિંગ રમી હતી. આ પછી ગ્લેન ફિલિપ્સે પણ 54 રનની શાનદાર ઇનિંગ રમી હતી. આ પછી ન્યૂઝીલેન્ડના બેટ્સમેનો ટકી શક્યા નહોતા અને આખી ટીમ 19.4 ઓવરમાં 160 રનમાં સમેટાઈ ગઈ હતી. અર્શદીપ સિંહ અને મોહમ્મદ સિરાજે 4-4 વિકેટ લીધી હતી. 161 રનના ટાર્ગેટનો પીછો કરવા ઉતરેલી ટીમ ઈન્ડિયાની શરૂઆત પણ કંઈ ખાસ રહી ન હતી.
ઈશાન કિશન 10 રન બનાવીને આઉટ થયો હતો. અને ફરી એકવાર ઋષભ પંતનું બેટ ચાલ્યું નહીં. તેણે 11 રન પણ બનાવ્યા હતા. સૂર્યકુમાર યાદવે 13 રન બનાવ્યા હતા. શ્રેયસ અય્યર પોતાનું ખાતું પણ ખોલાવી શક્યો નહોતો. હાર્દિક પંડ્યા 30 અને દીપક હુડ્ડા 9 રન બનાવીને અણનમ રહ્યા હતા. આ રીતે વરસાદ સુધી ભારતે 9 ઓવરમાં 4 વિકેટ ગુમાવીને 75 રન બનાવી લીધા હતા. ન્યુઝીલેન્ડની ટીમનો પણ સ્કોર 9 ઓવરમાં 75 રન હતો. આવી સ્થિતિમાં બંનેના સમાન સ્કોરને કારણે મેચ ડકવર્થ લુઈસ નિયમ હેઠળ ટાઈ થઈ હતી. જણાવી દઈએ કે ટીમ ઈન્ડિયાના ફાસ્ટ બોલર મોહમ્મદ સિરાજે આ મેચમાં શાનદાર પ્રદર્શન કર્યું છે. તેણે તેની 4 ઓવરમાં 4.25ની ઇકોનોમીમાં 17 રન આપીને 4 વિકેટ લીધી હતી.
આ પણ વાંચો: Gujarat election 2022/ભાજપે બેટ દ્વારકામાં નકલી મઝારો દૂર કરી, સ્વચ્છતા અભિયાન જારી
