નવી દિલ્હી,
સ્માર્ટફોન નિર્માતા કંપની વિવો દ્વારા Vivo V11ની કિંમતમાં ઘટાડો કરવામાં આવ્યો છે. કંપની દ્વારા કરાયેલા આ ઘટાડા સાથે જ હવે Vivo V11ની કિંમત ૨૦,૯૯૦ રૂપિયા થઇ ગઈ છે.
આ પહેલા સપ્ટેમ્બર મહિનામાં વિવો દ્વારા Vivo V11 સ્માર્ટફોન ૨૨,૯૯૦ રૂપિયામાં લોન્ચ કર્યો હતો. Vivo V11ની ખાસ ફિચર્સમાં વોટરડ્રોપ નોચ સાથે બેજલ લેસ ૧૯:૯ ડિસ્પ્લે, ડ્યુઅલ રિયર કેમેરા અને ૬ GB રેમ આપવામાં આવી છે.
વિવો દ્વારા જાણકારી આપવામાં આવી છે કે, ફ્લિપકાર્ટના બિગ બિલિયન ડેજ સેલમાં Vivo V11નું વેચાણ ૨૦,૯૯૦ રૂપિયામાં કરવામાં આવશે.
ફ્લિપકાર્ટના બિગ બિલિયન ડેજ સેલની વાત કરવામાં આવે તો, આ સેલનું આયોજન ૧૦ થી ૧૪ ઓકટોબર વચ્ચે કરવામાં આવશે.
ગ્રાહકો આ લેટેસ્ટ સ્માર્ટફોન વિવો ઈ-સ્ટોર, ફ્લિપ કાર્ટ અને ઓફલાઈન સ્ટોરમાંથી નેબુલા પર્પલ અને સ્ટરી નાઈટબ્લેક કલર ઓપ્શનમાં ખરીદી શકે છે.