શિવસેનાએ AIMIM ના પ્રમુખ અસદુદ્દીન ઓવૈસી પર આકરા પ્રહારો કર્યા છે, જેઓ ઉત્તર પ્રદેશમાં આગામી વિધાનસભાની ચૂંટણી લડવા જઈ રહ્યા છે. મહારાષ્ટ્ર સરકારના મુખ્ય પક્ષે ઓવૈસીને ભાજપનું અંડરગાર્મેન્ટ ગણાવ્યું છે અસદુદ્દીન ઓવૈસી પર શિવસેનાએ પડદા પાછળથી ભાજપને મદદ કરવાનો આરોપ લગાવ્યો છે.
શિવસેનાએ મુખપત્ર ‘સામના’માં એક તંત્રીલેખ લખીને કહ્યું છે કે જ્યાં સુધી યુપી વિધાનસભાની ચૂંટણીઓ ન થાય ત્યાં સુધી ખબર નથી કે શું જોવું પડશે. અસદુદ્દીન ઓવૈસી અને તેમનો પક્ષ તેમનું સર્વશ્રેષ્ઠ કાર્ય કરી રહ્યા હોય તેમ લાગે છે. ઓવૈસી મહાશયે ઉત્તરપ્રદેશની ચૂંટણીના પ્રસંગે જાતિ, ધાર્મિક દ્વેષ પેદા કરવાની તમામ તૈયારીઓ કરી લીધી હોય તેવુ લાગી રહ્યુ છે.
ઓવૈસીની તાજેતરની લખનૌની મુલાકાતનો ઉલ્લેખ કરતા શિવસેનાએ કહ્યું કે પ્રયાગરાજથી રાજધાની જતી વખતે કેટલાક સમર્થકોએ પાકિસ્તાન ઝિંદાબાદના નારા લગાવ્યા હતા. અત્યાર સુધી યુપીમાં આવા સૂત્રોચ્ચાર કરવામાં આવ્યા ન હતા, પરંતુ જલદી ઓવૈસી ગયા અને ઉશ્કેરણીજનક ભાષણો આપ્યા, ત્યારબાદ પાકિસ્તાન ઝિંદાબાદ જેવા નારાઓ શરૂ થયા.
બિહાર અને પશ્ચિમ બંગાળમાં વિધાનસભા ચૂંટણી દરમિયાન ઓવૈસીએ જે પ્રકારની રાજનીતિ રમી હતી તેની ટીકા કરતા સામનામાં લખવામાં આવ્યુ છે કે, “ઓવૈસી બંગાળમાં પણ આવી જ ગંદી રાજનીતિ કરી રહ્યા હતા. તેમણે મમતા બેનર્જીની હાર માટે મુસ્લિમોને ઉશ્કેરવાના તમામ પ્રયત્નો કર્યા. પણ બંગાળમાં હિન્દુઓ અને મુસ્લિમો વગેરેએ મમતા બેનર્જીને ખુલ્લેઆમ મત આપ્યા અને ઓવૈસીની ગંદી રાજનીતિને (Politics) સ્પષ્ટપણે ફગાવી દીધી.બિહારમાં ઓવૈસીએ કરેલા દુષ્કર્મને કારણે તેજસ્વી યાદવ નાના અંતરથી હારી ગયા. જો ઓવૈસીએ કૂદકો માર્યો ન હોત તો બિહારમાં સત્તાની કમાન તેજસ્વી યાદવના હાથમાં હોત.પરંતુ કટ્ટરતા વધારવી અને વિજય મેળવવોએ ઓવૈસીની રણનિતી રહી છે.
