ગુજરાતમાં દિનપ્રતિદિન ગુનાખોરીમાં વધારો થઇ રહ્યો છે,રાજ્યમાં હત્યાના બનાવો ખુબ વધી રહ્યા છે,પોલીસ હાલ એલર્ટ છે તે છંતા પણ અનિચ્છનીય બનાવ વધી રહ્યા છે.વડોદરામાં 19 વર્ષની યુવતીની કરાઈ કરપીણ હત્યા કરાયેલી લાશ મળી છે. યુવતીને મારીને નેશનલ હાઈવે પાસે ફેંકી દેવામાં આવી હતી પોલીસની સ્પર્ધાત્મક પરીક્ષાની તૈયારી કરતી યુવતીની લાશથી સ્થાનિકોમાં અરેરાટી થઈ ગઈ હતી. હત્યારાએ યુવતીનો એક હાથ પણ કાપી નાંખ્યો હતો. પોલીસના ઉચ્ચ અધિકારીઓ ઘટનાસ્થળે દોડી આવ્યા હતા. યુવતીના માથાના અને મોઢાના ભાગે તીક્ષ્ણ હથિયારના ઘા મારવામાં આવ્યા હતી. યુવતી મૂળ પંચમહાલના સામલી ગામની રહેવાસી છે. સમગ્ર મામલે પોલીસે વધુ તપાસ શરૂ કરી છે.
પ્રાપ્ત માહિતી અનુસાર, વડોદરાના નેશનલ હાઈવે પર જાંબુવા બ્રિજ પાસે 19 વર્ષીય તૃષા સોલંકીની હત્યા કરાયેલી લાશ મળી આવી હતી. તેની લાશ નેશનલ હાઈવે નંબર 48 પર લેન્ડ ફીલ્ડ સાઈડ પર ફેંકી દેવાઈ હતી. હાઈવે પર મળેલી લાશથી પોલીસનો કાફલો ઘટના સ્થળે પહોંચ્યો હતો. પોલીસ તપાસમાં સામે આવ્યુ કે, તૃષા સોલંકી મૂળ પંચાલના સામલી ગામની રહેવાસી છે. તેની પાસેથી આધાર કાર્ડ મળી આવ્યુ હતું. તે માણેજામાં મામાના ઘરે રહીને અભ્યાસ કરતી હતી.
તૃષા પરિવારની એકની એક દીકરી હતી. તેની હત્યાથી પરિવારમાં આઘાત છવાયો હતો. આશ્ચર્યની વાત તો એ છે કે, હત્યારાએ તૃષાનો એક હાથ કાપી નાંખ્યો હતો. તૃષાનું ટુ વ્હીલર પાર્ક કરાયેલું હતું. જયારે તેની હત્યા ત્યાંથી દુર ઝાડીમાં થઇ હતી. તૃષાના માથા અને મોઢાના ભાગે તીક્ષ્ણ હથિયારથી ઘા માર્યા હોય તેવા નિશાનો મળ્યાં છે. મકરપુરા પોલીસે અજાણ્યા શખ્સો સામે હત્યાનો ગુનો દાખલ કરીને તપાસ હાથ ધરી છે.
