'ધ સ્ટાર્ટઅપ ગાઈડ'ના કવર પેજનું કરાયું અનાવરણ

ગાંધીનગર/ ‘ધ સ્ટાર્ટઅપ ગાઈડ’ના કવર પેજનું કરાયું અનાવરણ

સ્ટાર્ટઅપ ક્ષેત્રમાં વિદ્યાર્થીઓને વધુ પ્રોત્સાહિત કરવાના ઉદ્દેશ્ય સાથે રાજ્યએ સ્ટુડન્ટ સ્ટાર્ટઅપ ઈનોવેશન પોલિસી 2.0 (SSIP 2.0) લાગુ કરી છે.

ગાંધીનગર: ‘ધ સ્ટાર્ટઅપ ગાઈડ’ના કવર પેજનું કરાયું અનાવરણ
રાજ્યના શિક્ષણમંત્રી કુબેર ડીંડોર દ્વારા કરવામાં આવ્યું અનાવરણ
સ્કુલ પ્રોજેક્ટ મેનેજમેન્ટ યુનિટ દ્વારા સ્ટાર્ટઅપ ગાઈડ લોન્ચ કરાશે

Gandhinagar News: સ્ટાર્ટઅપ ક્ષેત્રમાં વિદ્યાર્થીઓને વધુ પ્રોત્સાહિત કરવાના ઉદ્દેશ્ય સાથે રાજ્યએ સ્ટુડન્ટ સ્ટાર્ટઅપ ઈનોવેશન પોલિસી 2.0 (SSIP 2.0) લાગુ કરી છે. સ્ટાર્ટઅપ ઇનોવેશન પોલિસી, સ્ટાર્ટઅપ સેક્ટર સંબંધિત શરતો, પોલિસીના લાભો અને તે લાભો માટે કેવી રીતે અરજી કરવી તે સહિત સ્ટાર્ટઅપ અને ઇનોવેશન સંબંધિત તમામ માહિતી વિશે વિદ્યાર્થીઓને માહિતગાર કરવા માટે શાળા પ્રોજેક્ટ મેનેજમેન્ટ યુનિટ દ્વારા “ધ સ્ટાર્ટઅપ ગાઇડ” લોન્ચ કરવામાં આવશે. શિક્ષણ મંત્રી કુબેરભાઈ ડીંડોરે રાષ્ટ્રીય સ્ટાર્ટઅપ દિવસ નિમિત્તે ગાંધીનગરથી “ધ સ્ટાર્ટઅપ ગાઈડ”ના કવર પેજનું લોકાર્પણ કર્યું હતું.

વડાપ્રધાન નરેન્દ્ર મોદીએ વર્ષ 2047 સુધીમાં ભારતને વિકસિત રાષ્ટ્ર બનાવવાનું સપનું જોયું છે. ભારતને વિકસિત રાષ્ટ્ર બનાવવામાં સ્ટાર્ટઅપ્સ અને ઇનોવેશન મહત્ત્વની ભૂમિકા ભજવે છે, તેથી યુવાનોને વધુ પ્રોત્સાહિત કરવા માટે સ્ટુડન્ટ સ્ટાર્ટઅપ ઇનોવેશન પોલિસી 2.0 (SSIP 2.0) લાગુ કરવામાં આવી છે.

વડાપ્રધાન નરેન્દ્રભાઈ મોદીએ સ્ટાર્ટઅપ અને નવીનતાઓ દ્વારા ભારત અને ગુજરાતના યુવાનોની સર્જનાત્મક ક્ષમતા વિકસાવવા દેશભરમાં વિવિધ ક્ષેત્રોમાં સ્ટાર્ટઅપ અને સ્ટાર્ટઅપ વ્યવસાયોને પ્રોત્સાહન આપવા માટે 16 જાન્યુઆરીએ રાષ્ટ્રીય સ્ટાર્ટઅપ દિવસની ઉજવણી કરવાની જાહેરાત કરી હતી.

શાળા પ્રોજેક્ટ મેનેજમેન્ટ યુનિટ દ્વારા તૈયાર કરવામાં આવેલ “ધ સ્ટાર્ટઅપ ગાઈડ”માં, 6ઠ્ઠા થી 12માના તમામ વિદ્યાર્થીઓ જેઓ ઈનોવેશન દ્વારા કંઈક નવું કરવા ઈચ્છે છે તેમના માટે રોડ મેપ પર કામ કરશે. શાળા પ્રોજેક્ટ મેનેજમેન્ટ યુનિટ SSIP 2.0 ની દેખરેખ અને અમલ કરશે. ઉલ્લેખનીય છે કે, સ્ટુડન્ટ સ્ટાર્ટઅપ ઈનોવેશન પોલિસી ૨.૦ (SSIP 2.0) અંતર્ગત ધો. ૯ થી ૧૨માં અભ્યાસ કરતા વિદ્યાર્થીઓને રૂ. ૨૦ હજાર સુધીની સહાય આપવામાં આવશે.