ડાયમંડ સીટી તરીકે ઓળખાતા સુરતમાં હત્યા, લુંટફાટ કે અપહરણની ઘટનાઓમાં વધારો થઇ રહ્યો છે, ત્યારે આ વચ્ચે વધુ એક હત્યાની ઘટના સામે આવી છે. આ ઘટના સુરતના કીમના કુદસદ ગામની હદમાં આવેલ મુન્ના એજન્સીમાં બની છે, જ્યાં વહેલી સવારે આધેડની તેના જ ઘરમાં ઘાતકી હત્યા કરી હોવાનું સામે આવ્યું છે.
આ પણ વાંચો :બીલીમોરા બસ સ્ટેશન પર પોતાની જ બસ નીચે ડ્રાઈવરનું મોત
આ અંગે મળતી વિગતો મુજબ, સુરત જીલ્લાના ઓલપાડ તાલુકાના કુદસદ ગામના મુન્ના એજન્સી વિસ્તારમાં વાલજી સોલંકી નામના આધેડ કોન્ટ્રાકટરની રહે છે, જ્યાં તેઓના ઘરમાંથી લોહીના ધબ્બા, તીક્ષ્ણ હથિયાર જોવા મળ્યા હતા, ત્યારબાદ અનુમાન લગાવવામાં આવ્યું હતું કે, આધેડ કોન્ટ્રાકટરની ઘાતકી હત્યા કરવામાં આવી હતી.
જો કે આ ઘટનાનું સૌથી ચર્ચિત બાબત એ છે કે, લાશ નજીકથી કોન્ડમના પેકેટ પણ મળી આવ્યા છે. આ ઉપરાંત આરોપીએ એટલી ક્રૂર રીતે મૃતક વાલજી સોલંકીને તીક્ષ્ણ હથિયારથી ઘા માર્યા હતા કે, તેમની લાશ વિકૃત થઈ ગઈ હતી. બીજી બાજુ આ ઘટના બાદ પોલીસની ટીમ પણ ઘટના સ્થળે દોડી આવી હતી અને આગળની તપાસ હાથ ધરી છે.
આ પણ વાંચો :મહારાણા ચોકડી પાસે ગમખ્વાર અકસ્માત, 7 વર્ષિય બાળકનું મોત
હત્યા બાદ પોલીસ દોડતી થઈ હતી. હત્યા બાદ સ્થાનિક કીમ પોલીસ, જિલ્લા એલ.સી.બી અને એસ.ઓ.જી પોલીસની ટીમ પણ ઘટના સ્થળે દોડી આવી હતી. આધેડની જે રીતે ઘાતકી હત્યા કરવામાં આવી હતી એ જોતાં કોઈ આડા સબંધ કે પછી જૂની કોઈ અદાવતમાં હત્યા કરવામાં આવી હોય. હત્યાનું સાચું કારણ જાણવા પોલીસ કામે લાગી છે અને આરોપીના કોલર સુધી પહોંચવા આકાશ પાતાળ એક કરી રહી છે.
કિમ પૂર્વ વિસ્તારમાં આધેડની હત્યા બાદ પોલીસે એફ.એ.સેલ અને ડોગ સ્કોર્ડની મદદ લઇ તપાસનો ધમધમાટ શરૂ કર્યો છે. ત્યારે કિમ પોલીસ આરોપી સુધી ક્યારે પહોંચે છે એ તો સમય બતાવશે.
આ પણ વાંચો :રાજ્યમાં ગ્રામ પંચાયતની ચૂંટણીનો ધમધમાટ, ઇલેક્શનમાં મોડલ-અભિનેત્રીની થઈ એન્ટ્રી
આ પણ વાંચો :સાવરકુંડલામાં 50 વર્ષીય વૃદ્ધા પર દુષ્કર્મ, 4 પરપ્રાંતીય નરાધમોએ કર્યું કારસ્તાન
આ પણ વાંચો :આટકોટ નજીક બોલેરો પીકઅપ પલ્ટી ખાતા મહિલાનું ઘટના સ્થળે મોત નીપજયું
