ના-પાક, ભારતમાં આતંકી અને મિલ્ટીયન્સને ઘુસાડવા માટે તમામ યથાર્થ પ્રયાસો કરી રહ્યું છે. તમામ કોશિશો પછી પણ પાકિસ્તાનનાં ના-પાક ઇરાદા, ભારતીય સેનાની ચોકસાઇને કારણે બર આવી રહ્યા નથી. અને માટે જ પાકિસ્તાન તેના છાજે તેવી ના-પાક અને હલકી હરકતો કરતું હોવાનું સામે આવી રહ્યું છે.
પાકિસ્તાને ભારતીય સરહદમાં ઘુસણખોરી અને સૈન્ય પ્રવૃતિને વેગ આપવા કે પાર પાડવા સગીર(બાળકો – યુવાનો)નો આશરો લેવાનું શરૂ કર્યું છે અને તેના માટે એક સગીરે ભારતીય સીમમાં ઘુસણખોરી કરી છે. આંતરરાષ્ટ્રીય સરહદ પાર કરાવી ભારતીય સરહદમાં પ્રવેશ કરી પાકિસ્તાની સગીરે ભારતીય છાવણી અને સૈન્ય તહેનાતની જાણકારી મેળવનો પ્રયાસ કર્યો હતો. જો કે, તે ભારતીય સેનાનાં હાથમાં સપડાઇ ગયો હતો. બોર્ડર સિક્યુરિટી ફોર્સ (બીએસએફ)એ પૂછપરછ બાદ તેને ગાદ્રા રોડ પોલીસને સોંપી દીધો હતો. નોંધનીય છે કે સોમવારે ફોર્સે ભારતીય સરહદમાં ઘૂસણખોરી કરવા બદલ આંતરરાષ્ટ્રીય સરહદેથી પાકિસ્તાની રાષ્ટ્રીયા ઘરાવતા ભાગચંદ, 16 વર્ષને પકડ્યો હતો.