શેરબજારમાં આજે મધ્યમ શરૂઆત થઈ હતી. ગઈકાલે તેજી સાથે શરૂઆત થયા બાદ દિવસના અંતે ઘટાડો જોવા મળ્યો. જ્યારે આજે બજાર ખુલતા સેન્સેક્સની શરૂઆત મામૂલી ઘટાડા સાથે થઈ હતી. આ સિવાય NSEનો નિફ્ટી સપાટ ઓપનિંગ સાથે દેખાયો છે. મીડિયા, મેટલ, રિયલ્ટી અને ફાઇનાન્શિયલ સર્વિસ સેક્ટરમાં ઘટાડો જોવા મળી રહ્યો છે. BSE સેન્સેક્સ 71,410 પર ખુલતા શેરબજારમાં 18.14 પોઈન્ટનો ઘટાડો જોવા મળ્યો છે. જ્યારે NSE નો નિફ્ટી 9 પોઈન્ટના વધારા સાથે 21,727 ના સ્તર પર ખુલ્યો હતો.
ગુજરાતના અમદાવાદમાં GIFT સિટીને લઈને એક મોટા સમાચાર સામે આવ્યા છે. જેના કારણે કારોબાર પર અસર જોવા મળી શકે. ઇન્ડિયન રિન્યુએબલ એનર્જી ડેવલપમેન્ટ એજન્સી લિમિટેડ (IREDA)ને ગુજરાતના GIFT સિટી ખાતે સ્થિત ઇન્ટરનેશનલ ફાઇનાન્સિયલ સર્વિસિસ સેન્ટર (IFSC)માં સંપૂર્ણ માલિકીની પેટાકંપની સ્થાપવાની મંજૂરી મળી છે. કંપનીને રિઝર્વ બેંક ઓફ ઈન્ડિયા (RBI) તરફથી આ મંજૂરી મળી છે. IREDA (ભારતીય રિન્યુએબલ એનર્જી ડેવલપમેન્ટ એજન્સી) એ આ સંબંધમાં સ્ટોક એક્સચેન્જોને માહિતી મોકલી છે. GIFT સિટીમાં IREDA ની હાજરી ગ્રીન ફાઇનાન્સિંગ માટે નવીન ઉકેલો લાવવા તેમજ બજારને અસર કરશે. કંપનીએ જણાવ્યું હતું કે તેની પેટાકંપની IREDA માટે રિન્યુએબલ એનર્જી સેક્ટરના વિકાસને આગળ વધારવા માટે સ્પર્ધાત્મક ભંડોળને ઍક્સેસ કરવા માટે ઑફશોર પ્લેટફોર્મ તરીકે પણ કાર્ય કરશે. IREDAના ચેરમેન અને મેનેજિંગ ડિરેક્ટર પ્રદીપ કુમાર દાસે જણાવ્યું હતું કે, “IFSCમાં
IREDAના પ્રવેશથી નવી વ્યાપાર તકો ખુલશે અને નવીનીકરણીય ઉર્જા ક્ષેત્રમાં IREDA ની વૈશ્વિક હાજરી સ્થાપિત થશે તેવી અપેક્ષા છે. આ વ્યૂહાત્મક પગલું સ્થાનિક અને આંતરરાષ્ટ્રીય સ્તરે રિન્યુએબલ એનર્જી રોકાણ વધારવામાં મદદ કરશે. 9 ફેબ્રુઆરીના રોજ, IREDA શેર BSE પર અગાઉના બંધ ભાવ કરતાં 5 ટકાના ઘટાડા સાથે ખૂલ્યા હતા અને નીચલી સર્કિટમાં રૂ. 179.55 પર પહોંચ્યા હતા. શેરનો 52 સપ્તાહનો નીચો ભાવ રૂ. 49.99 છે. કંપનીનું માર્કેટ કેપ રૂ. 48,258.82 કરોડ છે. IREDA 29 નવેમ્બર 2023 ના રોજ સ્ટોક એક્સચેન્જમાં સૂચિબદ્ધ થયું હતું. ત્યારથી શેરમાં 215 ટકાનો વધારો જોવા મળ્યો છે.
ગતરોજ આરબીઆઈની નાણાકીય નીતિની જાહેરાત પછી, ભારતીય શેરબજારમાં તીવ્ર ઘટાડો જોવા મળ્યો છે. ગઈકાલે ગુરુવારના રોજ સેન્સેક્સ અને નિફ્ટી ભારે ઘટાડા સાથે બંધ થયા છે. દિવસના કારોબારના અંતે BSE સેન્સેક્સ 723 પોઈન્ટના ઘટાડા સાથે 71,428 પોઈન્ટ અને નેશનલ સ્ટોક એક્સચેન્જનો નિફ્ટી 212 પોઈન્ટના ઘટાડા સાથે 21,717 પોઈન્ટ પર બંધ રહ્યો હતો.
આ પણ વાંચો :uttarakhand/હલ્દવાણીમાં બબાલ વધી, આગચંપી વચ્ચે કર્ફ્યુ, જોતાં જ ગોળી મારવાનો આદેશ
આ પણ વાંચો :uttarakhand/હિંસા બાદ હલચલ તેજ, CM ધામીએ દેહરાદૂનમાં બોલાવી બેઠક
આ પણ વાંચો :uttarakhand/હલ્દવાની હિંસા કેસમાં મૌલાના મહમૂદ મદનીએ ગૃહમંત્રી અમિત શાહને પત્ર લખ્યો, કહી આ વાત