જાતીય સતામણી કેસ: યૌન ઉત્પીડન જેવા ગંભીર કેસનો સામનો કરી રહેલા મલયાલમ સુપરસ્ટાર ફિલ્મ અભિનેતા વિજય બાબુની મુશ્કેલીઓ વધી ગઈ છે. તેનો પાસપોર્ટ રદ કરવામાં આવ્યો છે આ દરમિયાન, તેઓ ક્યાં છુપાયા છે તે હજુ સુધી જાણી શકાયું નથી.
બાબુ ક્યાં છે, જો કે કોઈ સુરાગ મળ્યો નથી, પરંતુ આ દરમિયાન કોચીની પોલીસ તેની તપાસમાં સતત દરોડા પાડી રહી છે. જાતીય સતામણી કેસ માં અભિનેતા વિજય બાબુનો પાસપોર્ટ જપ્ત કર્યાની પુષ્ટિ કરતા કોચી જિલ્લા પોલીસ કમિશનર સીએચ નાગરાજુએ કહ્યું છે કે આ કાર્યવાહીથી તેમના પાસપોર્ટ પર જારી કરાયેલા તમામ વિઝા હવે સંપૂર્ણપણે અમાન્ય થઈ ગયા છે. નાગરાજુએ કહ્યું, ‘હાલમાં એવા સંકેતો અને માહિતી મળી રહી છે કે તે બીજા દેશમાં પ્રવેશ્યો છે. પરંતુ અમારી પાસે તેની સામે કોર્ટનું વોરંટ છે, તેથી તેની ધરપકડ કરવામાં કોઈ મુશ્કેલી નહીં આવે.
એવા સમાચાર હતા કે મલયાલમ અભિનેતા વિજય બાબુએ પાસપોર્ટ અધિકારીઓને કહ્યું છે કે તેઓ 24 મેના રોજ ઓફિસમાં હાજર રહેશે. બાબુ વિરુદ્ધ અનેક કલમો હેઠળ કેસ નોંધવામાં આવ્યો છે. આ દરમિયાન પોલીસ કમિશનરે કહ્યું છે કે જો તે જલ્દી પોલીસ સમક્ષ હાજર નહીં થાય, તો આવી સ્થિતિમાં તેની સામે રેડ કોર્નર નોટિસ જારી કરવામાં આવશે. જો કે કેરળ પોલીસને હજુ સુધી આ મામલે ઈન્ટરપોલ અથવા UAE પોલીસ તરફથી કોઈ માહિતી કે જવાબ મળ્યો નથી.
આ પણ વાંચો: સિંઘમ/ ફોન કરો અને દારૂ મેળવો : નારોલમાં આ રીતથી દારૂ વેચનારને પીસીબીએ દબોચ્યા
આ પણ વાંચો: રાજીનામું/ હાર્દિક પટેલને જેલ જવાનો હતો ડર, તેથી પાર્ટી છોડી; કોંગ્રેસ પ્રદેશ પ્રમુખનો મોટો આરોપ
આ પણ વાંચો: પલટવાર/ હાર્દિકને કોંગ્રેસમાં રહેતા પણ ન આવડ્યું અને છોડતા પણ નહિ : જીજ્ઞેશ મેવાણી
