ભારતમાં ક્રિકેટને ધર્મ માનવામાં આવે છે. ચાહકો તેમના મનપસંદ ક્રિકેટરોની એક ઝલક જોવા માટે તૈયાર છે. ભારતીય ટીમ હંમેશા તેની વિસ્ફોટક બેટિંગ માટે જાણીતી છે. ભારતે વિશ્વને સુનીલ ગાવસ્કર, કપિલ દેવ, સચિન તેંડુલકર, વિરેન્દ્ર સેહવાગ, મહેન્દ્ર સિંહ ધોની અને વિરાટ કોહલી જેવા બેટ્સમેનો આપ્યા છે, જેમણે ક્રિકેટના દરેક મેદાનમાં પોતાની ઓળખ બનાવી છે. આજે ભારતના દિગ્ગજ બેટ્સમેન સુનીલ ગાવસ્કર આજે તેમનો 75મો જન્મદિવસ ઉજવી રહ્યા છે. તે ભારતીય ક્રિકેટ ઈતિહાસમાં સૂર્ય સમાન છે જેના પ્રકાશે સચિન તેંડુલકર, સૌરવ ગાંગુલી અને રાહુલ દ્રવિડ જેવા બેટ્સમેનોને પ્રભાવિત કર્યા હતા. ગાવસ્કરે પોતાની ક્રિકેટ કારકિર્દી દરમિયાન આવા ઘણા રેકોર્ડ બનાવ્યા જે આજે પણ અડીખમ છે.
ક્રિકેટની દુનિયામાં કરી અજાયબીઓ
સુનીલ ગાવસ્કરનો જન્મ 10 જુલાઈ 1949ના રોજ મુંબઈ, મહારાષ્ટ્રમાં થયો હતો. તેની ઉંચાઈ વધારે નહી માત્ર પાંચ ફૂટ હતી, પરંતુ તે પછી તેણે ઘણી શાનદાર ઈનિંગ્સ રમી અને ટીમ ઈન્ડિયાને જીત અપાવી. આ કારણથી તેમને લિટલ માસ્ટરનું બિરુદ આપવામાં આવ્યું હતું. તેણે વર્ષ 1971માં વેસ્ટ ઈન્ડિઝ સામે પોર્ટ ઑફ સ્પેનમાં ટેસ્ટ ડેબ્યૂ કર્યું હતું. જ્યારે ગાવસ્કરે ક્રિકેટની દુનિયામાં પગ મૂક્યો ત્યારે વેસ્ટ ઈન્ડિઝની પેસ બૅટરી ટેસ્ટમાં બોલતી હતી, પરંતુ ગાવસ્કરે વેસ્ટ ઈન્ડિઝના બોલરોને તેની જ્વલંત બેટિંગથી કમાલ કરી દીધી.
ડેબ્યૂ સિરીઝમાં સૌથી વધુ રન બનાવ્યા
પોતાની ડેબ્યૂ સિરીઝમાં જ સૌથી વધુ રન બનાવવાનો રેકોર્ડ સુનીલ ગાવસ્કરના નામે છે. ત્યારબાદ તેણે વેસ્ટ ઈન્ડિઝ સામે 774 રન બનાવ્યા જેમાં ચાર સદી સામેલ હતી. 52 વર્ષ પછી પણ ડેબ્યૂ સિરીઝમાં સૌથી વધુ રન બનાવવાનો રેકોર્ડ તેના નામે છે, જેને સચિન તેંડુલકર અને વિરાટ કોહલી જેવા બેટ્સમેન તોડી શક્યા નથી.
પહેલા 10,000 રન બનાવ્યા
પહેલાના જમાનામાં દસ હજાર બનાવવું ખૂબ જ મુશ્કેલ માનવામાં આવતું હતું, પરંતુ ટેસ્ટ ક્રિકેટના ઈતિહાસમાં સુનીલ ગાવસ્કર દસ હજારના આંકડાને સ્પર્શનાર પ્રથમ ક્રિકેટર છે. આ સિવાય તેણે આંતરરાષ્ટ્રીય ટેસ્ટ મેચની બંને ઇનિંગ્સમાં ત્રણ વખત સદી ફટકારી હતી. આ કારનામું કરનાર તે એકમાત્ર ભારતીય બેટ્સમેન છે. આ સાથે જ તે ક્રિકેટની દુનિયામાં સૌથી ઝડપી પાંચ હજાર રન પૂરા કરવાના મામલે ત્રીજા નંબર પર છે.
1️⃣9️⃣8️⃣3️⃣ World Cup-winner 🏆
233 intl. games
13,214 intl. runs 👌🏻
First batter to score 1️⃣0️⃣,0️⃣0️⃣0️⃣ runs in Tests 👏🏻👏🏻Here’s wishing Sunil Gavaskar – former #TeamIndia Captain & batting great – a very Happy Birthday. 👏🏻🎂 pic.twitter.com/WmZSyuu0Lj
— BCCI (@BCCI) July 10, 2023
ODI વર્લ્ડ કપ જીત્યો
સુનીલ ગાવસ્કરના સમયે વેસ્ટ ઈન્ડિઝની ટીમ ક્રિકેટ જગતમાં સૌથી મજબૂત માનવામાં આવતી હતી, ત્યારે વેસ્ટ ઈન્ડિઝ પાસે એન્ડી રોબર્ટ્સ, જોએલ ગાર્ડનર, માલ્કમ માર્શલ અને માઈકલ હોલ્ડિંગ જેવા ખતરનાક બોલરો હતા, પરંતુ ગાવસ્કરે તે બધાનો સામનો કર્યો. તેણે વેસ્ટ ઈન્ડિઝ વિરૂદ્ધ 27 મેચમાં 2749 રન બનાવ્યા જેમાં 13 સદી સામેલ છે. વેસ્ટ ઈન્ડિઝે વર્ષ 1975 અને 1979માં ODI વર્લ્ડ કપ જીત્યો હતો અને ODI વર્લ્ડ કપ 1983ની ફાઇનલમાં પણ જગ્યા બનાવી હતી, પરંતુ ભારતીય ટીમે વેસ્ટ ઈન્ડિઝને હરાવીને વિશ્વ ક્રિકેટમાં તેમના શાસનનો અંત લાવ્યો હતો. ગાવસ્કર વર્લ્ડ કપ વિજેતા ટીમનો ભાગ રહી ચૂક્યા છે.
આવી રહી કારકિર્દી
સુનીલ ગાવસ્કર વિકેટ પર રહીને બેટિંગ કરવા માટે જાણીતા હતા. એકવાર તે ક્રિઝ પર સ્થિર થઈ ગયા પછી તેને આઉટ કરવો મુશ્કેલ હતો. તેણે ભારત માટે 125 ટેસ્ટમાં 34 સદી અને 45 અડધી સદી સાથે 10122 રન બનાવ્યા હતા. આ સિવાય તેણે ભારત માટે 108 વનડેમાં 3092 રન બનાવ્યા, જેમાં તે માત્ર એક જ સદી ફટકારી શક્યો. તેણે ટેસ્ટ મેચમાં ભારત તરફથી 108 કેચ પણ લીધા છે.
આ પણ વાંચો:M S DHONI/ આ કારણે એમએસ ધોની પહોંચ્યો ચેન્નાઈ , ચાહકોએ ખાસ રીતે કર્યું સ્વાગત ; VIDEO જુઓ
આ પણ વાંચો:Cricket/પાકિસ્તાનના બે ક્રિકેટરોએ ODI વર્લ્ડ કપ પહેલા નિવૃત્તિની કરી જાહેરાત
આ પણ વાંચો:ENG vs AUS/એશિઝની ત્રીજી ટેસ્ટમાં ઇંગ્લેન્ડે ઓસ્ટ્રેલિયાને 3 વિકેટથી હરાવ્યું,શ્રેણીમાં કરી વાપસી
