આપણા શરીરનો આખો ભાર પગ પર હોય છે, દિવસથી રાત સુધીના દરેક કામ માટે આ વ્યસ્ત જીવનમાં પગનો રોલ સૌથી મહત્વનો કહી શકાય. આવી સ્થિતિમાં, જ્યારે પગ જ સાથ નથી આપતા અને પીડાથી પરેશાન થવા લાગે છે, ત્યારે જીવન પણ થંભી જાય છે. ઠંડીની ઋતુમાં આ સમસ્યા વધી જાય છે. ઓસ્ટીયોપોરોસીસ કે આંતરિક ઈજાને કારણે પણ પગમાં દુખાવો થઈ શકે છે. આવા દુખાવાને ઓછો કરવા માટે તમે કેટલાક ઘરેલું ઉપાય અજમાવી શકો છો, જેનાથી તમને દુખાવામાં રાહત મળશે.
પગના દુખાવા માટે ઘરેલું ઉપચાર
નીલગીરી તેલ
નીલગિરીનું તેલ પગની નસોમાં થતા દુખાવાને દૂર કરવામાં ફાયદાકારક છે. આ તેલને અન્ય કોઈપણ તેલ સાથે મિક્સ કરો અને પીડાથી પ્રભાવિત જગ્યા પર માલિશ કરો, તમે હળવાશ અનુભવશો.
હળદર
હળદરમાં એન્ટીઑકિસડન્ટ અને બળતરા વિરોધી ગુણધર્મો છે જે નસોમાં થતા દુખાવામાં રાહત આપવાનું કામ કરે છે. હળદર પાવડરની સાથે તેના તેલમાં એન્ટીઓક્સીડેન્ટ ગુણ પણ હોય છે, જે પગના દુખાવાને ઓછો કરવામાં મદદરૂપ છે. હૂંફાળા દૂધમાં હળદર ભેળવીને પીવાથી પણ દુખાવામાં આરામ મળે છે. દુખતી જગ્યા પર હળદરની પેસ્ટ લગાવવાથી પણ આરામ મળે છે.
એરંડાનું તેલ
પગના દુખાવામાં રાહત મેળવવા એરંડાના તેલથી માલિશ કરવી એ રામબાણ ઉપચાર માનવામાં આવે છે. પગના દુખાવાથી છુટકારો મેળવવા એરંડાના પાન અને તેના તેલનો ઉપયોગ કરો. એરંડાના તેલથી તમારા પગની માલિશ કરો, તમને દુખાવામાં રાહત મળશે. જો તેલ ઉપલબ્ધ ન હોય તો એરંડાના પાનને એક તપેલીમાં તળીને તેમાં મીઠું નાખીને દુખતી જગ્યા પર લગાવો અને ઉપર પાટો બાંધો.
