ભાજપનાં વરિષ્ઠ નેતા અને દેશનાં પૂર્વ નાયબ વડા પ્રધાન લાલકૃષ્ણ અડવાણી 8 નવેમ્બરનાં રોજ તેમનો 92 મો જન્મદિવસ ઉજવી રહ્યા છે. તેમનો જન્મ 8 નવેમ્બર 1927 નાં રોજ એકીકૃત ભારતનાં કરાચી શહેરમાં એક સિંધી પરિવારમાં થયો હતો. તેમના પિતાનું નામ કિશનચંદ અડવાણી અને માતાનું નામ જ્ઞાની દેવી હતું. અડવાણીનાં પિતા વેપારી હતા. તેમણે પ્રારંભિક શિક્ષણ કરાચીની સેન્ટ પેટ્રિક હાઇ સ્કૂલમાંથી લીધુ હતુ.
જો આપણે ભારતીય જનતા પાર્ટીનાં પાયા વિશે વાત કરીએ તો લાલકૃષ્ણ અડવાણીનું નામ પહેલા આવે છે. ભાજપ પાર્ટીની શરૂઆતમાં તેમનો મોટો હાથ છે. તેમના પ્રશંસનીય કાર્યો બદલ તેમને વર્ષ 2015 માં પદ્મ વિભૂષણથી પણ સન્માનિત કરવામાં આવ્યા છે. તેમણે તેમની રાજકીય કારકીર્દિમાં ઘણા મોટા નિર્ણયો લીધા. તો ચાલો આજે તમને તેમના વિશે રસપ્રદ તથ્યો જણાવીએ.
લાલકૃષ્ણ અડવાણીનો જન્મ 8 નવેમ્બર 1927 નાં રોજ કરાચીમાં થયો હતો. તેમના પિતાનું નામ શ્રી કે.ડી. અડવાણી અને માતાનું નામ જ્ઞાની અડવાણી હતું. ભાગલા પછી તેમનો પરિવાર ભારત આવ્યો હતો. અડવાણીએ પ્રારંભિક શિક્ષણ લાહોરમાં લીધુ હતું, પરંતુ ભારત આવ્યા ત્યારબાદ તેઓ મુંબઈની સરકારી લો કોલેજમાંથી કાયદામાં સ્નાતક થયા. 1944 માં, તેમણે કરાચીની મોડેલ હાઇ સ્કૂલમાં શિક્ષક તરીકે કામ કર્યું.
1951 માં ડૉ.શ્યામા પ્રસાદ મુખર્જીએ જનસંઘની સ્થાપના કરી. ત્યારબાદ 1957 સુધી અડવાણી પાર્ટીનાં સેક્રેટરી હતા. વર્ષ 1965 માં, અડવાણીએ તેમના દાપંત્ય જીવનની શરૂઆત કરી અને કમલા દેવી સાથે લગ્ન કર્યા. 1973 થી 1977 સુધી તેઓ ભારતીય જનસંઘનાં પ્રમુખ તરીકે રહ્યા. 1980 માં ભારતીય જનતા પાર્ટીની સ્થાપના પછીથી તેઓ પાર્ટીનાં મહાસચિવ રહ્યા. ભારતીય જનતા પાર્ટીમાં તેમનું યોગદાન પ્રશંસનીય હતું.
1986 થી 1991 દરમિયાન તેમણે ભાજપ પાર્ટીનાં અધ્યક્ષ પદની જવાબદારી પણ સંભાળી હતી. 1990 માં રામ મંદિર આંદોલન દરમિયાન, તેમણે સોમનાથથી અયોધ્યા સુધી રથયાત્રા નિકાળી હતી, પરંતુ વચ્ચે અડવાણીની ધરપકડ કરવામાં આવી હતી.
આ રથયાત્રા બાદ, અડવાણીનું રાજકીય કદ મોટુ થવા લાગ્યુ. તે લોકોમાં વધુ લોકપ્રિય નેતા બન્યા. અડવાણીએ અત્યાર સુધીમાં ‘રામ રથયાત્રા’, ‘જનાદેશ યાત્રા’, ‘સ્વર્ણ જયંતિ રથયાત્રા’, ‘ભારત ઉદય યાત્રા’ અને ‘ભારત સુરક્ષા યાત્રા’ પ્રમુખ હતી.
1977 થી 1979 દરમિયાન પ્રથમ વખત લાલકૃષ્ણ અડવાણીએ કેન્દ્ર સરકારમાં કેબિનેટ મંત્રી તરીકેનો ચાર્જ સંભાળ્યો. આ સમય દરમિયાન તેઓ માહિતી પ્રસારણ પ્રધાન હતા. વર્ષ 1999 માં એનડીએ સરકારની રચના પછી, તેઓ અટલ બિહારી વાજપેયીનાં નેતૃત્વ હેઠળ કેન્દ્રીય ગૃહમંત્રી બન્યા.
29 જૂન 2002 નાં રોજ, એનડીએ સરકારે તેમને નાયબ વડા પ્રધાન પદ સોંપ્યું. તેમના ઘણા નિર્ણયોને લીધે, તે ઘણી વખત વિવાદોનો ભાગ પણ બન્યા. તેમના આકરા મંતવ્યોને કારણે તેમણે 2005 થી 2013 દરમિયાનનાં કાર્યકાળમાં ત્રણ વખત પાર્ટીને પોતાનુ રાજીનામું પણ સુપ્રત કર્યું હતું.
તેઓ ત્રણ વખત ભારતીય જનતા પાર્ટીનાં અધ્યક્ષ, ચાર વખત રાજ્યસભા અને પાંચ વખત લોકસભાનાં સભ્ય રહી ચૂક્યા છે. તેમને ક્યારેક પાર્ટીના સહાયક કહેવામાં આવતા, ક્યારેક આયર્ન મેન તો ક્યારેક પાર્ટીનો અસલી ચહેરો. તેમને પુસ્તકો વાંચવા, મૂવી જોવી અને સંગીત સાંભળવાનું બહુ ગમે છે.
તેમના કાર્યકાળ દરમિયાન, તેમણે ‘મેરા દેશ મેરા જીવન’ નામનું એક પુસ્તક લખ્યું જેમાં તેમણે તેમના જીવન અને રાજકારણ સાથે સંકળાયેલા ઘણા અનુભવો વિશે લખ્યું. તેમને બે બાળકો છે. પુત્રનું નામ જયંત અડવાણી છે અને પુત્રીનું નામ પ્રતિભા અડવાણી છે, જે ઘણા ટીવી શોના નિર્માતા તેમજ રાજકીય સહાયક છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
