ગોંડલ નજીક યમરાજાએ પડાવ નાખ્યો હોય તેમ અકસ્માતોમાં માનવ જિંદગી છાશવારે હોમાઈ રહી હોવાની પોલીસ ચોપડે શાહી હજુ સુકાઇ નથી ત્યાં તાલુકાના મોવિયા થી શ્રીનાથગઢ જતા રોડ ઉપર રીક્ષા અને બાઈક વચ્ચે અકસ્માત સર્જાતા જુના વાઘણિયા ગામના બે વૃદ્ધોના કમકમાટીભર્યા મોત નિપજયા હતા.
આ પણ વાંચો :શરમજનક / મુખ્યમંત્રી સમૂહ લગ્ન યોજનામાં ભાઈએ બહેન સાથે કર્યા લગ્ન, જાણો કેમ..?
પ્રાપ્ત વિગતો મુજબ જુના વાઘણીયા ગામે રહેતા નાનજીભાઈ મોહનભાઈ ગેવરીયા (ઉંમર વર્ષ 60) તેમજ નાગજીભાઈ લક્ષ્મણભાઈ બાલધા (ઉંમર વર્ષ 77) કાપડની ખરીદી કરવા માટે ગોંડલ બાઈક GJ03 BW 1055 લઈ આવી રહ્યા હતા ત્યારે શ્રીનાથગઢ મોવિયા રોડ પર રીક્ષા GJ14 AQ 3464 વચ્ચે અકસ્માત સર્જાતા નાનજીભાઈનું ઘટનાસ્થળે જ મોત નીપજ્યું હતું જ્યારે નાગજીભાઈને સારવાર માટે ગોંડલ થી રાજકોટ ખસેડવામાં આવી રહ્યા હતા ત્યારે રસ્તામાં મોત નિપજતા બંનેના મૃતદેહોને પોસ્ટ મોર્ટમ માટે ગોંડલ હોસ્પિટલ લઈ જવાયા હતા બનાવ અંગે ગોંડલ તાલુકા પોલીસે તપાસ હાથ ધરી હતી અકસ્માત થયા બાદ રિક્ષાચાલક માનવતા નેવે મૂકી નાસી ગયેલ હોય પોલીસે તપાસ હાથ ધરી હતી.
આ પણ વાંચો ;હત્યા કે આત્મહત્યા? / શૂટર કોનિકા લાયકનું રહસ્યમય મોત, લગ્નની ચાલી રહી હતી તૈયારીઓ
છોટા હાથી મેટાડોરને આડે ગાય આવતા તેને બચાવવા જતા અકસ્માત સર્જાયો હોવાનું તાલુકા પીએસઆઇ એમ જે પરમારે જણાવ્યું હતું
