મુંબઈ પોલીસને રવિવારે એક ધમકીભર્યો ફોન આવ્યો હતો. જેમાં બે પાકિસ્તાની નાગરિકો RDX ભરેલા ટેન્કરમાં મુંબઈથી ગોવા જઈ રહ્યા હતા. ફોન કરનારે પોતાનું નામ ‘પાંડે’ જણાવ્યું છે. પોલીસે તરત જ એલર્ટ જારી કરીને મામલાની તપાસ શરૂ કરી હતી.
મુંબઈ પોલીસે જણાવ્યું હતું કે, “મુંબઈ પોલીસ કંટ્રોલ રૂમને ધમકીભર્યો કોલ આવ્યો હતો જેમાં ફોન કરનારે માહિતી આપી હતી કે બે પાકિસ્તાની નાગરિકો RDX ભરેલું ટેન્કર લઈને મુંબઈથી ગોવા જઈ રહ્યા છે. ફોન કરનારે પોતાની ઓળખ પાંડે તરીકે આપી હતી. તપાસ ચાલુ છે.”
પોલીસ અધિકારીઓના જણાવ્યા અનુસાર, મુંબઈ પોલીસને શહેરમાં બોમ્બ મૂકવાની બે દિવસમાં બીજી ધમકી મળ્યાના લગભગ એક અઠવાડિયા પછી આ ધમકીભર્યો ફોન આવ્યો હતો.
ઉલ્લેખનીય છે કે, મંગળવારે એક અજાણ્યા વ્યક્તિએ ઉત્તર પ્રદેશના મુખ્યમંત્રી યોગી આદિત્યનાથ અને વડાપ્રધાન નરેન્દ્ર મોદીની આગેવાની હેઠળની કેન્દ્ર સરકારને ધમકીભર્યો ફોન કર્યો હતો. ફોન કરનારે ચોક્કસ સ્થળોએ કારતુસ અને AK-47ની હાજરીનો ઉલ્લેખ કર્યો હતો, જે મુંબઈમાં 26/11 જેવો હુમલો થવાની શક્યતા દર્શાવે છે. મુંબઈ પોલીસ ફોન કરનારને સક્રિય રીતે શોધી રહી છે. તેની સામે વર્લી પોલીસ સ્ટેશનમાં IPCની કલમ 509(2) હેઠળ કેસ નોંધવામાં આવ્યો છે.
આ પહેલા 12 જુલાઈના રોજ મુંબઈ પોલીસને આવો જ એક ફોન આવ્યો હતો. જેમાં, આરોપીએ પાકિસ્તાની મહિલા સીમા હૈદર પોતાના દેશમાં પરત નહીં ફરે તો શહેરમાં આતંકવાદી હુમલાની ચેતવણી આપી હતી. ફોન કરનારે ઉર્દૂમાં કહ્યું કે જો સીમા હૈદર પરત નહીં આવે તો ભારત બરબાદ થઈ જશે. જો હુમલો થશે તો ઉત્તર પ્રદેશ સરકાર જવાબદાર રહેશે. આરોપી સામે કેસ નોંધવામાં આવ્યો છે.
ઉલ્લેખનીય છે કે પાકિસ્તાની મહિલા સીમા હૈદર ઓનલાઈન ગેમિંગ દરમિયાન ઉત્તર પ્રદેશના નોઈડામાં રહેતા સચિન મીનાના પ્રેમમાં પડી ગઈ હતી. જે બાદ સીમા 13 મેના રોજ તેના ચાર બાળકો સાથે પાકિસ્તાનથી ભાગી ગઈ હતી અને નેપાળ થઈને ભારત આવી હતી. માન્ય દસ્તાવેજો વિના જીવવાના આરોપમાં તેની ધરપકડ કરવામાં આવી હતી.
સચિને જણાવ્યું કે બંને 2019માં ઓનલાઈન ગેમ PubG રમતી વખતે એકબીજાના સંપર્કમાં આવ્યા હતા. બંને વચ્ચે પહેલા મિત્રતા અને પછી પ્રેમ થયો. સચિને એ પણ જણાવ્યું કે તેઓ આ વર્ષે માર્ચ મહિનામાં નેપાળમાં મળ્યા હતા. જ્યાં તેણે લગ્ન કર્યા. ત્યારબાદ બંને પોતપોતાના દેશમાં પરત ફર્યા હતા.
સીમા હૈદરના પહેલા પતિએ ભારત સરકારને તેની પત્ની અને બાળકોને પાછા મોકલવાની અપીલ કરી છે. જો કે, સીમાએ કહ્યું કે જો તેને પાકિસ્તાન પરત મોકલવામાં આવશે તો તેને ત્યાં મારી નાખવામાં આવશે. સીમાએ એમ પણ કહ્યું કે તેણે સચિન સાથે પોતાની મરજીથી હિંદુ ધર્મ અપનાવીને લગ્ન કર્યા.
આ પણ વાંચો:Chinese loan Fraud/હૈદરાબાદ પોલીસે દેશના વિવિધ ભાગોમાંથી નવ આરોપીઓની ધરપકડ કરી, 712 કરોડની છેતરપિંડીનો આરોપ
આ પણ વાંચો:Manipur Violence/‘મણિપુર હિંસા પર મોડું આવ્યું’ PM મોદીનું નિવેદન, BJP MLAએ પણ ઉઠાવ્યા મુખ્યમંત્રી પર સવાલ
આ પણ વાંચો:મહિલા મુસાફરે પ્લેનના ફ્લોર પર કર્યો પેશાબ, કેબિન ક્રૂએ બનાવ્યો વીડિયો; જાણો સમગ્ર મામલો
આ પણ વાંચો:જુનિયર કુસ્તીબાજોને HCનો આંચકો, બજરંગ-વિનેશ એશિયન ગેમ્સમાં ટ્રાયલ વિના ભાગ લઈ શકશે
