મેક્સિકોના ઉત્તરી રાજ્ય દુરાંગોમાં બે પ્રાઇવેટ પ્લેન તૂટી પડતાં એક બાળક સહિત પાંચ લોકોનાં મોત થયાં હતાં. રાજ્ય સરકારે આ માહિતી આપી છે. દુર્ઘટના સોમવારે સવારે પશ્ચિમ દુરાંગોના લા ગલાન્સિટા શહેરમાં નાના રનવે પર બની હતી.
રાજ્ય સુરક્ષા સચિવાલયે ધ એસોસિએટેડ પ્રેસ (એપી) ને જણાવ્યું હતું કે બે વિમાનો અથડાયા હતા જ્યારે એક ટેક ઓફ કરી રહ્યું હતું અને બીજું લેન્ડિંગ કરી રહ્યું હતું. બંને હળવા વિમાન હતા. આ પછી બંને પ્લેનમાં આગ લાગી હતી.
અકસ્માતના કારણની તપાસ કરી રહેલી
સરકારી એજન્સીએ જણાવ્યું હતું કે અકસ્માતમાં પાંચેય મુસાફરોના મોત થયા હતા. રાજ્યના અધિકારીઓ અકસ્માતના કારણની તપાસ કરી રહ્યા છે.
10 દિવસમાં બીજી મોટી પ્લેન ક્રેશઃ
છેલ્લા 10 દિવસમાં આ બીજી મોટુ પ્લેન ક્રેશ છે. થોડા દિવસો પહેલા, શનિવાર (16 સપ્ટેમ્બર), બ્રાઝિલના એમેઝોન વરસાદી જંગલમાં એક નાનું પેસેન્જર પ્લેન ક્રેશ થયું હતું, જેમાં સવાર તમામ 14 લોકો માર્યા ગયા હતા. સ્થાનિક મીડિયાએ અહેવાલ આપ્યો છે કે ‘એમ્બ્રેર પીટી-એસઓજી’ પ્લેન એમેઝોનાસ રાજ્યની રાજધાની માનૌસથી ઉડાન ભરી હતી, પરંતુ ભારે વરસાદમાં લેન્ડ કરવાનો પ્રયાસ કરતી વખતે ક્રેશ થયું હતું. મીડિયા અનુસાર, પ્લેનમાં સવાર મુસાફરો બ્રાઝિલના પ્રવાસી હતા.
એમેઝોનાસ રાજ્યના ગવર્નર વિલ્સન લિમાએ સોશિયલ મીડિયા સાઇટ ‘X’ પર લખ્યું, ‘બાર્સેલોનામાં પ્લેન ક્રેશમાં 12 મુસાફરો અને બે ક્રૂ મેમ્બરના મૃત્યુથી હું ખૂબ જ દુઃખી છું.’
‘ગ્લોબો’ ટેલિવિઝન નેટવર્ક દ્વારા શેર કરવામાં આવેલા વિડિયો ફૂટેજમાં કાદવમાં પડેલા પ્લેનનો કાટમાળ દેખાયો હતો અને તેનો આગળનો ભાગ લીલા પાંદડાથી ઢંકાયેલો હતો, જેની આસપાસ 20-25 લોકો છત્રીઓ સાથે ઉભા જોવા મળ્યા હતા.
આ પણ વાંચો:advisory/કેનેડાએ નવી ટ્રાવેલ એડવાઈઝરી જારી કરી, ભારતમાં કેનેડિયન નાગરિકોને સતર્ક રહેવા નિર્દશ આપ્યા
આ પણ વાંચો:Viral Video/સ્ટેશન પર અચાનક 1000 લોકો કૂતરાની જેમ ભસવા લાગ્યા, કારણ જાણીને તમને વિશ્વાસ નહીં આવે
આ પણ વાંચો:Disease X/આવી રહી છે કોરોનાથી 7 ગણી ખતરનાક મહામારી, 5 કરોડ લોકોના થઇ શકે છે મોત!