Uttar Pradesh Crime News 2026: ઉત્તર પ્રદેશના બરેલી જિલ્લામાંથી એક હૃદયદ્રાવક ઘટના સામે આવી છે, જે જિમ (Gym) માં જતી મહિલાઓની સુરક્ષા પર ગંભીર સવાલો ઉભા કરે છે. અહીં એક જિમ સંચાલક અને તેના ભાઈએ મળીને એક પ્રતિષ્ઠિત મહિલા ડોક્ટરને નશીલું પીણું પીવડાવી તેમનું યૌન શોષણ કર્યું અને અશ્લીલ વીડિયો બનાવીને લાખો રૂપિયા પડાવ્યા હતા. પોલીસે આ મામલે બંને આરોપી ભાઈઓની ધરપકડ કરી લીધી છે.

શરૂઆત એનર્જી ડ્રિંકથી થઈ, અંત બ્લેકમેલિંગમાં આવ્યો

મહિલા ડોક્ટર છેલ્લા બે વર્ષથી સિવિલ લાઇન્સ વિસ્તારમાં આવેલા ‘અલ્ટીમેટ ફિટનેસ જિમ’માં વર્કઆઉટ કરવા જતી હતી. પોલીસ ફરિયાદ મુજબ:

નશીલું પીણું: જિમ સંચાલક અકરમ બેગ મહિલાને પ્રી-વર્કઆઉટ ડ્રિંક આપતો હતો. ક્યારેક આ ડ્રિંકમાં નશીલો પદાર્થ ભેળવવામાં આવતો હતો, જેના કારણે મહિલા બેભાન થઈ જતી.

શોષણ અને વીડિયો: મહિલા બેભાન થાય ત્યારે જિમ (Gym) સંચાલક અકરમ તેનું શારીરિક શોષણ કરતો અને તેનો ભાઈ આલમ આ સમગ્ર ઘટનાનો અશ્લીલ વીડિયો બનાવતો હતો.

50 લાખની માંગણી અને ધમકી (Gym)

આરોપીઓએ શરૂઆતમાં મદદના બહાને પૈસા લીધા, પરંતુ બાદમાં વીડિયો બતાવી બ્લેકમેલ કરવાનું શરૂ કર્યું.

જ્યારે મહિલાએ જિમ (Gym)જવાનું બંધ કર્યું, ત્યારે આરોપીઓએ તેના પતિ અને બાળકોને જાનથી મારી નાખવાની તેમજ વીડિયો સોશિયલ મીડિયા પર વાયરલ કરવાની ધમકી આપી.

આરોપીઓએ પહેલા 10 લાખ રૂપિયા માંગ્યા હતા, જેમાંથી મહિલાએ પોતાની ઈજ્જત બચાવવા 80 હજાર રૂપિયા આપી દીધા હતા. જોકે, બાદમાં આરોપીઓએ 50 લાખ રૂપિયાની માંગણી કરતા મહિલાએ હિંમત ભેગી કરી પોલીસનો સંપર્ક કર્યો હતો.

પોલીસ કાર્યવાહી અને ચોંકાવનારા ખુલાસા

એસએસપી (SSP)ની સૂચના બાદ પોલીસે દરોડો પાડી અકરમ બેગ અને આલમ બેગની ધરપકડ કરી છે.

જપ્ત કરાયેલ સામાન: પોલીસે આરોપીઓ પાસેથી બે પેનડ્રાઈવ, બે મોબાઈલ ફોન, શક્તિવર્ધક દવાઓની 9 શીશીઓ, ઈન્જેક્શન અને વસૂલવામાં આવેલા 10 હજાર રૂપિયા રોકડા જપ્ત કર્યા છે.

અન્ય મહિલાઓ પણ ટાર્ગેટ પર: પોલીસને આરોપીઓના મોબાઈલમાંથી અન્ય મહિલાઓના પણ વર્કઆઉટ કરતા વીડિયો અને ફોટા મળ્યા છે. પોલીસ તપાસ કરી રહી છે કે શું આ ટોળકીએ અન્ય કોઈ મહિલાઓને પણ શિકાર બનાવી છે કે કેમ.

પોલીસ અધિકારીઓના જણાવ્યા મુજબ, આરોપીઓએ કબૂલાત કરી છે કે તેઓ આ રીતે મહિલાઓને (Gym) ફસાવીને પોતાના શોખ પૂરા કરવા પૈસા પડાવતા હતા. હાલમાં બંને આરોપીઓને જેલ હવાલે કરવામાં આવ્યા છે.

આ પણ વાંચો: જિમ ટ્રેનર બન્યો નકલી બાબા, બીમારી મટાડવા ભક્તો પાસે માંગતો હતો દારૂ અને કબાબ

 આ પણ વાંચો: શું તમે પણ મેકઅપ લગાવીને જિમ જાઓ છો? ત્વચાને ગંભીર નુકસાન થઈ શકે છે, 

આ પણ વાંચો: સુરતમાં 35 વર્ષીય જિમ ટ્રેનરનું હાર્ટએટેકથી મોત, કોઈપણ બીમારી ના હોવા છતાં યુવાન થયો હાર્ટએટેકનો શિકાર