દેશના સૌથી મોટા રાજ્ય એવા ઉત્તરપ્રદેશમાં વર્ષ 2021 ની શરૂઆતમાં જ હત્યા, અપહરણ સહિતના ગુનાઓનો ગ્રાફ વધતો જઈ રહ્યો છે. આ સમયે મુખ્ય પ્રધાન રાજ્યમાં ગુના અંગે સખ્ત છે, પરંતુ ગુનેગારો પર તેની કોઈ અસર દેખાતી નથી. હવે ગુનેગારો એટલા નિર્ભય બન્યા છે કે તેમણે ડાયલ -112 પર રાજ્યના મુખ્યમંત્રી યોગી આદિત્યનાથને જાનથી મારી નાખવાની ધમકી આપી છે.
અજાણ્યા શખ્સે કંટ્રોલ રૂમના વોટ્સએપ નંબર 112 પર ધમકીભર્યો સંદેશ મોકલ્યો છે. રવિવારે સુશાંત ગોલ્ફ સિટી પોલીસ સ્ટેશનમાં એફઆઈઆર નોંધાઈ છે. તે જ સમયે, પોલીસ હજી સુધી સંદેશ મોકલનારને શોધી શકી નથી. પોલીસની આ હાલત છે, જ્યારે કંટ્રોલ રૂમના વોટ્સએપ નંબર પર ધમકી મળી રહી છે.
આપને જણાવી દઈએ કે, પોલીસ કંટ્રોલ રુમના વોટ્સએપ નંબર પર શનિવારે રાત્રે 8874028434 નંબર પરથી મેસેજ આવ્યો હતો. જેમાં સીએમને જાનથી મારી નાખવાની ધમકી આપવામાં આવી હતી. તેમાં લખેલું હતું કે, 24 કલાકમાં એકે 47થી સીએમ યોગીને મારી નાખીશ શોધી શકો તો શોધી લો. આ મેસેજ આવતાં જ અધિકારીઓમાં ખળભળાટ મચી ગયો હતો. મેસેજને ધ્યાનમાં લેતાં ફરિયાદ નોંધી અને મેસેજ કરનારને પકડી પાડવા પોલીસે ચક્રોગતિમાન કર્યા છે.
બીજી બાજુ માહિતી મળતાં પોલીસ વિભાગ હરકતમાં આવ્યું હતું. પોલીસ સર્વેલન્સ ટીમ અને ક્રાઈમ બ્રાંચે મેસેજ મોકલનારની શોધ શરૂ કરી હતી. ડીસીપી સાઉથ રવિ કુમારના જણાવ્યા અનુસાર, અત્યાર સુધીની તપાસમાં ખુલાસો થયો છે કે ધમકી આપનાર બીજા શહેરનો છે. જે મોબાઇલ નંબર પરથી મેસેજ મોકલ્યો હતો તેની સંપૂર્ણ માહિતી મળી ગઈ છે.
આ પહેલા પણ મળી ચુકી છે ધમકીઓ
આ પહેલીવાર નથી જ્યારે યુપીના મુખ્ય પ્રધાનને જાનથી મારી નાખવાની ધમકી આપવામાં આવી છે. ગયા વર્ષે ડિસેમ્બર, સપ્ટેમ્બર અને મેમાં મુખ્યમંત્રી યોગી આદિત્યનાથને ડાયલ -112 પર જાનથી મારી નાખવાની ધમકી મળી ચુકી છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
