Chamoli Tunnel Accident THDC Vishnuprayag Project News: ઉત્તરાખંડના(Uttarakhand) ચમોલી જિલ્લામાં પીપલકોટી પાસે THDCના વિષ્ણુગાડ-પીપલકોટી હાઇડ્રોપાવર પ્રોજેક્ટની ટનલમાં ગંભીર અકસ્માત સર્જાયો છે. ટનલની અંદર કામ ચાલી રહ્યું હતું ત્યારે અચાનક કાટમાળ અને પાણીનો મોટો પ્રવાહ અંદર ઘૂસી આવ્યો હતો. જેના કારણે ત્યાં કામ કરી રહેલા મજૂરો ટનલમાં ફસાઈ ગયા હતા. અકસ્મત સમયે ટનલની અંદર કુલ 22 મજૂરો હાજર હોવાનું જણાવાયું છે. રાહત અને બચાવ ટીમોએ તાત્કાલિક કામગીરી શરૂ કરી હતી.
VIDEO | Uttarakhand: 22 rescued in the Chamoli district’s THDC tunnel incident; 7 dead and 11 injured. At least 6 remain missing as rescue operation continues.
Inspector, NDRF, Amrit Lal Meena says, “As soon as we received the information, our team reached the site and initiated… pic.twitter.com/6q23f0V5N6
— Press Trust of India (@PTI_News) August 13, 2026
20 લોકોને બહાર કાઢવામાં આવ્યા
રેસ્ક્યૂ ઓપરેશન દરમિયાન અત્યાર સુધીમાં 20 લોકોને બહાર કાઢવામાં આવ્યા હોવાની માહિતી છે. બહાર કાઢવામાં આવેલા લોકોમાંથી 7 મજૂરોના મોત થયા છે, જ્યારે 14 મજૂરો ઈજાગ્રસ્ત થયા છે. ઈજાગ્રસ્તોને તાત્કાલિક હોસ્પિટલમાં સારવાર માટે ખસેડવામાં આવ્યા છે. અધિકારીઓના જણાવ્યા પ્રમાણે, કેટલાક ઘાયલોની સ્થિતિ ગંભીર હોવાનું પણ જાણવા મળ્યું છે. મૃતકોમાં ઉત્તરાખંડ ઉપરાંત બિહાર અને ઝારખંડના લોકોનો સમાવેશ થાય છે.
पीपलकोटी स्थित THDC टनल के भीतर मलबा एवं पानी आने की सूचना प्राप्त हुई है।
घटना की गंभीरता को देखते हुए @NDRFHQ और @uksdrf की टीमों को तत्काल मौके पर भेजा गया है। जिला प्रशासन सहित सभी संबंधित एजेंसियों को युद्धस्तर पर राहत एवं बचाव अभियान चलाने के निर्देश दिए हैं।
स्वयं भी…
— Pushkar Singh Dhami (@pushkardhami) August 13, 2026
અચાનક ટનલમાં ઘૂસી આવ્યું પાણી અને કાટમાળ
પોલીસના જણાવ્યા મુજબ, આ ઘટના ઉત્તરખંડ (Uttarakhand)માં સાંજે લગભગ 6:30થી 6:45 વાગ્યાની વચ્ચે બની હતી. ટનલના મુખ્ય પ્રવેશદ્વારથી અંદાજે દોઢથી પોણા બે કિલોમીટર અંદર આવેલા એક ભાગમાંથી અચાનક કાદવ, કાટમાળ અને પાણીનો પ્રવાહ અંદર આવ્યો હતો. ઘટનાની જાણ થતાં જ NDRF અને SDRFની ટીમો ઘટનાસ્થળે પહોંચી ગઈ હતી. ભારે મશીનરીની મદદથી કાટમાળ દૂર કરવામાં આવી રહ્યો છે, જ્યારે ટનલમાંથી પાણી બહાર કાઢવા માટે મોટા પંપ પણ લગાવવામાં આવ્યા છે. જોકે ટનલમાં પાણી અને કાદવનું પ્રમાણ વધતા બચાવ કામગીરીમાં મુશ્કેલી ઊભી થઈ છે.
VIDEO | Uttarakhand: Chief Minister Pushkar Singh Dhami chairs a meeting at the State Emergency Operations centre to review the tunnel rescue operation in Chamoli district.
After the meeting, CM Dhami said, “Mud and debris from a landslide fell onto the workers operating inside… pic.twitter.com/2QQgfnlChb
— Press Trust of India (@PTI_News) August 13, 2026
Uttarakhand ના મુખ્યમંત્રીએ લીધી સ્થિતિની સમીક્ષા
અકસ્મતની ગંભીરતાને ધ્યાનમાં રાખીને ઉત્તરાખંડના(Uttarakhand) મુખ્યમંત્રી પુષ્કર સિંહ ધામીએ ઉચ્ચ અધિકારીઓ સાથે બેઠક કરીને રેસ્ક્યૂ ઓપરેશનની સમીક્ષા કરી હતી. મુખ્યમંત્રીએ કહ્યું કે સરકારની પ્રથમ પ્રાથમિકતા ટનલમાં ફસાયેલા તમામ લોકોને સુરક્ષિત બહાર કાઢવાની છે. બચાવ કામગીરી માટે જરૂરી તમામ સંસાધનોનો ઉપયોગ કરવામાં આવી રહ્યો છે.
ચમોલીમાં ભારે વરસાદથી મુશ્કેલી
ચમોલી વિસ્તારમાં છેલ્લા કેટલાક દિવસોથી ભારે વરસાદ પડી રહ્યો છે. ભારે વરસાદને કારણે અનેક નાળા અને નદીઓમાં પાણીનું સ્તર અચાનક વધી રહ્યું છે. કેટલાક વિસ્તારોમાં પૂર જેવી સ્થિતિ પણ સર્જાઈ છે. વરસાદના કારણે માર્ગો અને પુલોને નુકસાન પહોંચ્યું છે, જેના કારણે બચાવ કામગીરીમાં પણ પડકારો વધી રહ્યા છે. હાલમાં રેસ્ક્યૂ ટીમો ટનલમાં ફસાયેલા લોકોને સુરક્ષિત બહાર કાઢવા માટે સતત કામગીરી કરી રહી છે, અને સમગ્ર વિસ્તારમાં વહીવટી તંત્ર દ્વારા પરિસ્થિતિ પર નજર રાખવામાં આવી રહી છે.
આ પણ વાંચો: અરુણાચલ પ્રદેશ પર ચીનની નજર ? PLAની પેટ્રોલિંગને લઈને PPAના દાવાથી સરહદે ફરી તણાવ
આ પણ વાંચો: મુંબઈથી હિમાચલ સુધી મેઘરાજાનું તાંડવ; IMD દ્વારા 18 ઓગસ્ટ સુધી ભારે વરસાદની ચેતવણી
આ પણ વાંચો:લદ્દાખમાં વહેલી સવારે ધરતી ધ્રૂજી: લેહમાં 5.5 ની તીવ્રતાનો શક્તિશાળી ભૂકંપ
